هلا حبيبتي .....

الله يحفظ بنتك و يشافيها ياارب بس المفروض تشتكينها و تخلين زوجك تتصرف قبل لايصير اي مشكله نفسية لبنتك الله يحفظها....

انا اذكر يوم كنت صغيرة مدرسة ضربتني على أيدي بمساطر و يوم رحت حق امي ثاني يوم راحت المدرسة و زفتت في المدرسة و قالت للمديرة انا جيتك قبل ما اروح اشتكيها للوزارة و احط لها نقطة سوداء في فايلها .....

بس انا قول لا تطوفينها بهذي السهولة لاتنسين ان هذي بنتك و اغلى ما عندك تره و لين تكبر بتذكر اللي قالته لها المدرسة و بيأثر في ثقتها بنفسها.......

ربي يشافيها ياااارب..........

بصراحة انت الغلطانة لو سكتي ,,

لو بنتك غالية ماتسكتين عليها ,, ومثل ما اهانت بنتك اليوم ومالقت من يأدبها
بكرة بتهين غيرها ,,


ترى يسوون لها مجلس تأديبي اذا ثبت هالشيء عليها ,, من الادب تعرف تتعامل
مع الاطفال ,, ومن الادب تعرف تتعامل مع الأهل مو تطلع وانت تكلمينها قال ايش
قال عصبية ,, عصبيتها على نفسها ,,


اختي الصغيرة تعقدت من هالمدرسات الي على شاكلة مدرستكم الله لا يوفقهم
ويبلاهم في انفسهم ,, كانت تصارخ عليها وتمسك الكتاب وتصطرها ,,
ورحنا المدرسة ونفس الشيء المديرة قالت لنا عصبية لا تكلمونها احنا بنكلمها
وكثير شكاوي عليها ,, قلت لا بنكلمها ,, والله يابنات يوم تسمعونها تتكلم وتصارخ
تقولون انها تكلم واحد بعيد عنها عن بعد كيلوين المدرسة كلها تهتز من صراخها
الله يبلاها في نفسها ,,

والمشكلة انها حامل مدري شلون حامل وفيها حيل تصارخ على الناس وتطق الصغار
الله يبلاها رغم مرور سبع سنوات على هالقصة الا اني للحين مانسيتها وادعي عليها
لأنها جرحت اختي وللحين اختي تذكر مساوئها بعين حزينة لأنا ماخذنا حقها
كل الي سويناه نقلناها من المدرسة ...



صديقتي بالتوجيه تقول من حق الاهل يشتكون من اي مشكلة تتعرض لبنتهم
بسبب معلمة والمعلمة تاخذ مجلس تأديبي وكذا ,,

تكفين لا تسكتين ترى بنتك مارح تنساها لك والله يشفيها ويرزقك بمجموعة خوات
لها كاملين الخلق والخُلُق

وخلي زوجك يشتكيها عشان تتأدب وتكون عبره لغيره


اوسلامت بنتك الله يعاافيها امي دايم تنبهني من سالفه الشباصه تقول خطيره اذا طاحت على راسها

اختي هنووو

بصراحه مايصير تكستين عنها بحجة انك ماتبين مشاكل هي تبغى المشاكل

وهذي هي ماعندها ذرة احساس وعادت الكلمه تبغى تحطم بنتك

يعني لو بالاول نقول ماتقصد لكنها كررت يعني تقصدها وتبي تجرح بنتك

انسانه متخلفه اشكيها خليها تتادب وتعرف تتعامل مع الناس

حرام عليها هالمدرسة
ما تخاف ربي يبلاها؟