الشبكة بالعادة تكون على أهل العروس وأهل العريس عليهم الطقم والهدايا والعشاء وأنتم عليكم البااااااااقي

احنا من نجد ..حبيت اقول لك كل عايلة تجهز الشبكة حسب امكانياتها وعاداتها في بلدها مثلا عندك اهل الحجاز يتكلفون وشبكتهم اشبه بحفلة الزواج اما اهل نجد في الغالب ماتوصل لهالحد .. حفل الشبكة يكون بسيط والي بيتكلف يحط استراحة وهي مع العشاء طبعا على اهل العروس حتى لو كانت في البيت برضو على اهلها ..والشبكة ذهب مو لازم الماس لانه غاااالي والرجال وش بيلحق عليه تكاليف زواج ولااجار بيت ولا اثاث تعرفين تالزواج شغله خاصة على العريس والي امكانياتهم متوسطة .والطقم يعرض بشكل حلو مع بعض الهدايا زي شوية عطور مع بخور وممكن ساعة وعقد بسيط للأم او سوارة ذهب وشوفي محلات الهدايا بيعطونك افكار وعندهم نماذج لعرض الشبكة ..وبالنسبة للبسكم لازم تلبسون شي حلو ممكن فساتين حلوة وناعمة بس ماتصير بفخامة فساتين الزواجات يعني مناسبة لشبكة وانتم الي تلبسون البنت الشبكة ومايحضر الحفل الا الام وخواته والخالات والعمات وموشرط كل عايلتهم ..وزي ماقالوا الاخوات الافضل تكلمين اختها او امها وتتفاهمين معهم وتشوفين عن عاداتهم اذا يبغون العريس لبسها طبعا بعد مايتملك ومن هالكلام .. وبالتوفيق ان شاء الله .

جزاكم الله اخواتي على الردود الطيبه والله يفرج لمن جاوبني واخبرني ويرزقه ماتمنى في حياته

لحظه اختي احنا من نجد
وحفلة الشبكه مادخلت علينا الا من 10 سنين

اللي معروف في العادات والتقاليد اهل الزوج يجيبون طقم العروس
بسسسسسسسسس مو ملزومين يسوو حفلة شبكة,قرار حفلة الشبكه يرجع لاهل العروس اذا تبي او لا!!وهي اللي بتسويه مو اهل العريس
لاملكة ولا شبكه عليكم علييييييهم يااختي

وانا في رايي الناس اللي تطلبكم طلبات من من دوركم شي عجيب

انتوا اعطوهم المهر ومايقل عن 50 الف
وطقم ذهب او الماس اللي تقدرو عليه بس طبعا لازم شي حلو وبارز وووووووبس

جزاك الله خير اختي واحنا فعلا فكرنا ب80 الف وخلاص تكون شامله المهر والشبكه الي هم يختارونها
وهل هم لازم يجبرونا على اقامة حفل الزواج واحنا بالاساس مانبغى حفلات ؟؟؟