صعبة يعني ملكة رجااال
لو حريم كان كل شئ يصلح
بس الرجال اقل خطا شين في حقكم
وبتنحرجووون كثير

اول شي الف الف مبروك
اشتري صندوق كبير مخمل لونه وردي<<تلقينه في محلات ابو ريالين وجطي فيه الشكولاته اللي تعجبكم
واشتري قماش لونه وردي دانتيل وحطيه في صينيه وانثري فيه ورد مجفف لونه وردي
وحطي كاسين عصير لونه وردي اسم العصيركاديه وذي صورته
وحطي على الطاوله اللي بيجلسون عندها شموع لونها وردي وافرشي الطاوله بدانتيل وردي..
وحطي حلاو مارشملو الوردي على شكل قلب وذي صورته
وياليت هي تلبس فستان وردي مع ميك اب وردي بتطلع مره واو
ان شاء الله اكون افدتك
جوري بنت خالد

مادريت خخخخخخخخخخخخخخخخخخخخخخـ طلعت رجال بس اجل لاتسوين اللي كتبته
دامها رجال تكفي القهوه والشاي والبخوروالمفاطيح

الف مبروك والرجال اكثر شي يهمهم السفره وترتيبها والاصناف الجديده والتقديم الزين مدري دايم اشوف رجالنا اذا جو من عزيمه يعلقون عالسفره بس اذا هي زينه جلسوا يمدحون فيها اسبوع ويمدحون راعيه البيت واذا السفره ماعجبتهم يسكتون لاتعليق
ممكن توزعون عصير طازج زي نظام القاعات وعادي توزعون توزيعات ماهي غريبه عند الرجال بس يكون شي له قيمه مثلا مره جاب الوالد من زواج علبه فضي وكحلي وداخلها مصحف مخمل كحلي وسبحه فضي مربوطه بشرايط فضي وكحلي وممكن تطبعون عليها الف مبروك بيت فلان وفلان عشان ينبسط العريس ويكون فيها تاريخ الملكه كذكرى او ممكن علب شوكولاته من باتشي صغيره او دهن عود وسبحه في اكياس تل يعني شغلات رسميه العشاء افضل شي بوفيه والقهوه والشاي جيبوا قهوجي معاه اطقم الدلال والفناجين تكون نفس الشكل او استاجروا الاطقم الملونه يعني مثلا كحلي او احمر كرستالات تصير الضيافه كشخه وماينسونها .. والله يوفقها عروستكم

ترى الرجال مايحبون الخرابيط رسميين مره
اذا بتسوون حركات حطوها لاختك وزوجها فقط

سبحان الله والحمد لله والله اكبر