وش نسوي مع ذا الشغاله

مساء الخير
كيفكم



ابداعلى طول بدون مقدمات
السالفه ومافيها ان شغالة امي هاالايام طايل لسانها مع انها اول مو كذا جنسيتها اندونيسيه جلست سنتين
بعدين راحت وبعدشهر رجعت ومافيه احسن منها هذا ايام عيد الاضحى جايه يعني بتخلص سنه بعد الرجعه
المهم في الاجازه راحوا لمكه والطايف ومن بعدها واحسها تغيرت اول اذا هاوشناها على شئ ماترد تقول ان شاء الله وهالحين اي شئ تقولين لها تنط في وجهك وتناقش واذا قلنالها شئ قالت مدام متغيره علي مع ان امي هذه بس تقول اذا لقيت شئ مو نظيف قلت نظفيه تظيق ماتبي احد يومرها واول ماشاء الله وش حليلها
ايام العيد هذا قالت لنا مرت اخوي انا شغالتي تقول مع شغالتكم جوال شاريتها من الطايف وشككتنا زياده مع انهم مارحوا لسوق بس حديقة الملك فهد وشلون شرته مامعها الا200ريال بس اهي تقول ان شغالت امي ماتبي تكلم احد من برا بس تبغى ترسل وتكلم اهلها انا ابي اعرف وين موزيته فيه
مالها غرفه خاصه ملابسها في زاوية الدرج الاخير ومكشوف وتنوم في مجلس الحريم وامس تقول امي رقيت فوق الساعه 10 الصبح ولقيتها مسكره باب الصاله اللي فوق عليها وسالتها ليش قالت كذا بس اتروش قالت سكري باب الحمام بس مو الصاله بكيرها ويوم من الايام رقت اختي الصغيره فوق بدري وتقول لقيت معها التلفون
واصلن التلفون تحت بس محد يرقى به فوق وسالتها امي قالت اذا دقت اختي على ارد عليها انتم تقولون مشغوله واختها هذي في السعوديه انا افكر لو معها جوال كان كلمت اختها ماتوزت بالتلفون
وبعدين وشلون علمت الشغاله ان معها جوال وعلاقتهم مو ذاك ازود الثانيه سيلانيه وتقول لامي انك مغيره اسلوبك معي

والله معاد عرفنا لها قالت امي سافري قالت بس موعلي سفري عليكم وادري وش السوات معها نصبر عليها والانروحها مع انها ماتترك الشغل اوتضرب عنه بالعكس عقب الهوشه تزيد اكثر وشغالت اخوي تقول انا مابغى اجي هنا قصدها عند اهلي وشغالت اهلي يوم درت انها بتجي لو ماتجي احسن ويوم التقن تقولين بينهبلن على بعض مادري يلعبون علينا والا مادري وش القصه


انتم وش تنصحوني فيه ابي مشورتكم تكفون انا في حيره :44:
ادري طولت عليكم بس مهمومه تكفون ردو اللي ماعندها رد تكفى ترفع الموضوع وجزاكم الله خير