سوي لعيالك نشاطات مثل حفظ قران او مثلا يتعلمون ويكتشفون طبخه جديده والحدايق عندكم ببلاش خذي قهوتك واقعدي مع عيالك تعرفي على جيران واقعدي معاهم واسهري والله اشياء بسيطه تفرح وتغير النفسيه مو شرط تكاليف كثير اذا جوكم حلو اقعدوا بسطوحكم واشووا سووا لكم اجوا مثلا مره كل اسبوعين تروحين مول تتمشين وتشترين اشياء بسيطه ماتكلف كثير وفيه فعاليات ومساابقات بعد حلو تأخذون جوائز يعني لا تشيلين هم الاجازه ابد ابد

كليوم عقب المغرب.
نظفي درج من دروج مطبخك....
.
.
.
امزح
سوات ربي وش نسوي بعد عسى الله يشفي مرضانا

لو عندك حديقة في المنزل اجلسي انتِ واياهم وقت مايكون الجو البار واشربو شاي وأحكي لهم حكايات
او سوي انتِ واياهم نشاطات مثلاً يوم تدخلو للمطبخ مع بعض وتطبخو كيك او اي اكلة مع بعض العبي انتي واياهم ألعاب حماسية ثقافية لو عندك بنات علميهم التطريز او الخياطة او اي حاجة هم يحبوها تقدري تشغليهم بأشياء ممتعة ومفيدة بنفس الوقت في الإجازة
نحنا في العطلات ماكنا نسافر او نطلع كتير لكن كنا نستمتع بالعطلة في البيت الوالدة الله يحفظها ويطول في عمرها ويبارك في صحتها كانت تشغلنا في العطلة بأشياء مفيدة وممتعة في البيت كتعليمنا نحن البنات التطريز الخياطة الطبخ او اشغال البيت بشكل ممتع المنافسة بينا مين ينظف أسرع و احسن واكتر دقة مع جائزة بسيطة كنا نستمتع بالرغم من بقائنا في المنزل

المطاعم صايرة تبالغ فا الاسعار وي ليت الاكل يستاهل
اذ ماعندكم اهل قريب رتبي زيارة لاصحابهم او خلي اصحابهم يزوروهم فالبيت ويوم طلعيهم الحديقة وخلي المولات اخر شيء لانها مصاريف على الفاضي الاطفال يحبون النشاط البدني لعب كورة سيكل لعب فالرمل وهذي كلها تتوفر فالحديقة في حالة اذ الجو جميل

أنا عيالي الصغار تعبت معهم ودي أعدل نومهم والله لحد الأن صاحين ماناموا ماينامون إلا بعد الظهر ولا يصحون إلا الساعه 12 من الليل بس اللي يصلون أصحيهم يصلون ويكملون نومهم والبيت حوسه تعبت وأنا أنظف وراهم والحال من بعضه والله لاسفر ولا طلعات ولا تمشيات بنتي الكبيره تقولي يمه صديقاتي يطلعون وحنا محبوسات بالبيت قلت وش أنسوي يابنيتي ويجي المقرود يقول لي جهزي الشنطه أبسافر أمريكا أقوله ودنا معك أمريكا قالي شوفي وجهك بالأول ذا وجه يروح أمريكا والقهر يسافر وحنا نطالعه طلعت روحه عسره بس فكه منه نأخذ كم يوم راحه من مقابل وجهه