وش نصيحة أمك و أبوك لك ياعروسة ؟

مرحبا حريم حواء :

يالله كل وحده تدخل تقول لنا نصيحة أمها و أبوها لها قبل الزواج ، أو اي احد مقرب لك المهم تكون لك كزوجة ،، وهل عملتي بالنصيحة..

يالله أبدا أنا:

نصيحة أبوي ( الله يحفظه ):

شوفي يابنيتي الحرمة السنعة ما تسب أهلها عند زوجها و تحاول انها ما تطلع عيوبهم عنده مهما كان لانهم عزوتها قدامه ،،، ( الى أحاول ان ما انساها حتى و ان كنت زعلانه على أحد من أخواني أو خواتي )

نصيحة أمي ( الله يخليها ):
اذا تبين ( أمي توها صغيرة و حنا مثل الصديقات علشان كذا ما قالت يا بنيتي و لا يحزنون ) على طول أذا تبين زوجك يحبك شوفي أقرب وحده من خواته له و الي يحبها أكثر و تقربي لها و قوي علاقتك معها ( و فعلا نفذت هذه النصيحة بحذافيراها و سالت حلالي من أقرب وحده لك من خواتك قال أختها الي بعده على طول و كان يحبها مرةةة و دايما يمدحها فلانة كانت تسوي لي كذا ،، فلانة مااحد يكوي أحسن منها ... و انا ما زعلت و لا شيء بالعكس كنت دائما امدحها و اؤيده في مدحها الى ان غار هو و ما عاد يذكرها قدامي الا في المناسبات و بيني و بينكم البنت حبوبة )

و اذا تذكرت أي نصيحة ثانية سواء زينة أو شينه بأكتبها أنشاء الله ....
و الحين جاء دوركم يالله اتحفونا،،،،
و سلامتكم...