ياجماعه انا وحده تعبت من نفسي مهما اقول بغير الطبع هذا ماقدر
كانه شي يشدني غصب عني اسويه😫
دايما وصوتي يلعلع على اولادي كلهم تحت ست سنوات وبس طايرين ببعض كانهم ديكه= جمع ديك 😫
وانا بس اخانق واهاوش وافكك طول يومي فيهم
تعبت منهم وتعبت من نفسي اللي عجزت اغير طبعي هذا وعجزت اتقبله
شقتي صغيره
صرت اتفشل من الجيران وش يقولون عني
اكيد يقولون مسترجله ولا ام لسان
ولا يحسبوني اتخانق مع رجلي مو على البزوره😷
اذ قابلتهم بالدرج احس اني بنص هدومي من الفشله وصراحه لي سنه من سكنت عمارتي هذي ولا تعرفت عالجارات ولا ابي احس صورتي مشوهه عندهم😭
علموني وش نظرتكم للجاره اللي بس صوتها تخانق عالبزوره
يمكن اقدر اترك هالطبع الخايس
مهما احاول اصير ريلاكس مايخلوني الا يطلع خلقي عليهم مع اني ماضرب اولادي الحمدلله بس معوضته بالهواش💔💔
يلزم عليك تسجيل الدخول أولًا لكتابة تعليق.
اضبطي نفسك اذا جيتي تهاوشينهم واستغفري الله يعين التربيه صعبه 😢وهالجيل تهاوشين ولا يسمعون لك هدي نفسك لا يحوشك ضغط ولا سكر
هههه تتعالي اسكني عندي بنفس الحي والله هالبزوره يطلعونك من طورك عني اسوي روحي بريءه اذا قابلت جيراني ههههه مو هي الي تصارخ من كم ساعه وش اسوي فيهم يفكرون الي يفكرونه مع اني حاليا باديه اضبط نفسي الحمد لله بس وشو بعده تشوهت صورتي هههه.
طماطم 25
•
وربي داييم اسممع صووت جارتي ي حرام متعذبه مع عيالها
حتى واحنا جالسين انا وزووجي فجاءه نسمع الصرخهه حقتها
كل اللي نقوله الله يعيننها
طبيعي والله الكل يصارخ بس الفرق ان الشقق صغيره والصوت يسري
عكس البيت الواسع
حتى واحنا جالسين انا وزووجي فجاءه نسمع الصرخهه حقتها
كل اللي نقوله الله يعيننها
طبيعي والله الكل يصارخ بس الفرق ان الشقق صغيره والصوت يسري
عكس البيت الواسع
الصفحة الأخيرة
انا جارتي دايم اسمع صوتها يلعلع على عيالها هي من جنسيه عربيه وكل ماااسمع صوتها تهاوش على عيالها اضحك وأقول الله يعينها المسكينه
هم الاطفال كذا يبي لهم صبر