اب

هههههههه مواقفكم تضحك بنسبه لي كل الزواج تمام بس لما طلعت انا وزوجي من القاعه باب المعاريس على باب الرجال وهم توهم طالعين الرجال السياراتهم ووايقفوون يتفرجون علي انا وزوجي وحنى نركب السياره قالي زوجي اركبي قدام وانا من الحياء ماتكلمت وركبت وهو تبلش بالفستان الي ذيله طوووويل يدخل لين صار الذيل بحضني كلة وصار راسي ياله طالع وهوو تفشل من الرجال الي واقفين يطالعون فينااا وهو يشيل ويحط بالفستان خخخخ

ماشاء الله تباارك الله اذكرو ربي


السلام عليكم انا ممكله وزواجي بشهر10
الحمدلله ياارب ككل شي كان تماام من الى
والشي الي نوعا ماء نكد علي وصلت القاعه ع اذان العشى
وانا مرتبه ع اساس اطلع المغرب واشغل الزفه وننزف انا وزوجي وننبسط مع خالاتي واهله لين يآذن العشى ونطلع
بدو يجون العازيم وخالتي كل شي تدق وماتبي امي توضح لعمي هو كان متكفل فيني وكان كل ماحس ان خالتي الي تدق
يسسرع وصلت القاعه وقالولي بسسرعه عشان الناس وديناهم القاعه الثانيه العريس ربي يسعده
دخل وانا افصخ العبايه وخالتي تعطرني بقى اهله ماجو وقلت لا مستحيل لين يجون اهلك
قالي معليك كلمتهم وقالو ابدو بيتآخرون قالي كذا بس عشان اوافق
انزفيت وطلعت ويوم جو اهله الا هم ودهم كانو موجودين بس الله يسعدهم ماودهم ينكدون علينا..

والشي الثاني غيرو السماعات وانا طالعه عند المعازيم وشغلو الزفه ع سماعه الطقاقه كان الصوت نوعا ماء مكتوم للي سمع الزفه
بس الحمدلله اعجبت الجميييع وسألوني وين سويتها ولا كأن فيها عيب

طبعا كان اخو زوجي بعد مملك وجت اخت حماتي الي هي تسير اخت زوجه اخوه وامها
اما هي دقت ع الطقاقه وطلبت تهديني استحيت منها وقلت يالله انا بعد بهديها ودقيت عليها اسمعها

ماشاء الله تبارك الله لا اله الا الله ماشاء الله

انا يوم ملكتي جيت القاعه متاخرة وانزفيت وامداني اجلس الا ودخلوا الضيوف للعشاء وكل وحدة تتعشى تشيل عبايتها وتروح

.......................
ويوم زواجي اخوي نسى فستان زووواجي بالبيت والبيت بعيد عن القاعه
وجابه
ويوم جيت اتصور داست المصورة على شرعتي لانها مرررة طويله
وزفتي خربت وانا على الكوشه يوم جلست خرب الصوت ورجع
ممممم..
ومسكتي ما كانت هي اللي اتمناها
والحمد الله على كل حااال

نحن فالامارات اعراسنا تبدأ من الساعة ٨ او بعد صلاة العشاء/العروس تدخل ١٠/ و العشاء ١٠ ونص /و العريس يدخل ١١ المهم قبل وحدة يخلص العرس

امي حجزت لي الكوافيره فالقاعة و انا فيوم العرس كنسلت و تمكيجت فالصالون عشان ابي اكون مع خواتي و ما امل بروحي أخروني طلعوني قريب الساعة ١٠
وصلت ع القاعة متأخرة لبست فستاني و لبسوني اكسواراتي و عطوني مسكتي
و صورتني المصورة كم صورة و فجأة بدون مقدمات انفتح الباب لقيت نفسي
جدام المعازيم خلصت الزفة و جلست ع الكوشة و حطوا العشا وسلموا علي الحريم
و سمعت الفرقة يعلنون عن وصول العريس و فتحوا الباب و صرت مقابلة الرجال (كانوا اخواني بس ما عرفتهم)
و ما علي غطاء و ظليت ع اعصابي و امي و خواتي يدورون مرت اخوي عندها الكاب الابيض اللي تلبسه العروس اخر شي لقوا مرت اخوي تتصور عند مصورة في طرف القاعة و غطوني و مشا الحال و الحمدلله
دخل زوجي مع ابوي و عمي ابوه ما حضر لأن السكر ارتفع عنده بعد العشاء
وقفوا اخواني حوالي عشان نتصور و فجأة دوخت و طحت وراء زوجي ربكت اهلي و خوفتهم
و بعد محاولات صحيت الحمدلله ما رشوني بالماي و لا كان اخترب مكياجي
و مشوا العرس سرييييييع قصينا الكيكة كان يوم ميلادي نفس اليوم و ما شربنا العصير من الربكة
بنت عمي فصختني نعالي الكعب كان خاطري اصبح من عالكوشة بحجة اني مدوخة
تصورنا و بينت قصيرة جداً
و لبست عباتي بس كانت خفيفة بينت ايدي و كسمي الله يسامحني و يغفر لي المفروض البس تحتها كاب العروس لأنه ساتر بس بنت عمي الله يصلحها خذته و الحمدلله غطيت وجهي بالغشوة السودا

العادة عندنا اخو العروس هو اللي يسوق بس تفاجأت بأخو زوجي هو اللي يسوق و امه مرتزة داخل نفس السيارة جدام و تصارخ انا ما بنزل من هالسيارة و طول الطريق تهاوش عيالها حسيت اني تورطت

وصلنا الفندق و نزلنا للوبي مع مرت ابوي و بنت عمي و امه واخواني ٣ ههههههه
و ستر علي زوجي ببشته ربي لا يحرمني منه
الطريق للغرفة كان طويل اكثر من نص ساعة مشي جزاهم الله خير اخواني سندوني وشالو ذيل الفستان كان ثقييييل و صلونا للباب و توكلوا زوجي نزل معهم عشان يدلهم و طول تحت قمت انا سكرت الباب بالسلسلة و حطيت راسي و نمت لما رجع فتح بالطاقة لقا الباب ما ينفتح و طول ع باله صار فيني شي
من كثر الدق قمت فتحت الباب ورجعت نمت ع الكرسي هههطلبنا عشاء تأخروا وااايد لين ماجهز و انا دايخة من اليوع و النوم لدرجة اني ما قدرت اكل احط حبة الشبس في حلجي تطيح اخر شي رحمني و قالي نامي
ثاني يوم الظهر قمنا متأخرين دخلت الحمام و و اغمى علي و زوجي نااايم فقدني بعد ساعتين لقاني طايحة فالحمام ربي ستر ما ضربت راسي بشي كان نزفت و مت و حضرته نايم

الخلاصة كان يوم و طاف بخيره وشره الله يعننا ع طاعته و يسخرنا لأزواجنا و بسخرهم لنا و يرزقنا بالذرية يا رب