مامثل موقفي وكان قبل زواجي بليل كنت توني جايه من الرياض من عند النقاشه وتخيلو بينا وبين الرياض 260 كيلو متر وكنت مستاجره فستاني من الرياض وكان اخوي هو الل بيجيبه مناك وتوني حاطه راسي ابرتاح الا هاذا هو اخوي توه جاي وبيوريني فستاني والمصيبه مش الفستان اللي انا اخترته اقسم بالله محد يلبسه غير الخكاريه يجيب الهم واسر ياليل صياح وبكي وامي واخواتي يهدون فيني ولبى قلبه اخوي رجع للرياض وبدل الفستان وتخيلوا ماجا الا صباح العرس والحمد تم على خير لكن القهر انه مو نفس اللي اخترته والخيره فيما اختاره الله

عاد زواجي ياااربي لك الحمد كان معايا عروستين اخوه وولد عمته

وطلعت ع اساس انزف وقفوني بنص الطريق قالو اخوه وعروسته عشانهم الاكبر هم اول

ورجعوني

ولمن خلصت جوني قالو يلا وكمان بنص الطريق اتفاجئت انو ولد عمته وعروسته طالعو

ورجعت واخر الليل طلعت ما بقى غير الاهل وجماعتنا القراب بس

بس الحمد الله

ياكرهي لزواجي

انا موقفي غير
نكدت علي خطيبت زوجي<<<كان خاطبها قبلي والمشكله هم اللي رفضوه يعني مدرري ليه كانت زعلانه ومعصبه
المهم يوم زفوني قامت تهاوش وتقول خلاص نزلوها وقامت تغلط بالكلام وعاد اختي الكبيره الله يسعدها هاوشتها و وقفتها عند حده واختها اللي اكبر منها راحت عند الطقاقات وقلت لهم اذا رقصو على المنصه اكثر من اربع وقفي الطق وهم سمعو كلامها علا بالهم انه اختي وامي استغربت كل شوي يوفقون طق راحت لهم امي قالو بنتك قالت لنا قالت امي لهم هذي مو بنتي ومالها دخل بالعرس واذا تبغون فلوسكم لاتوقفون طق وللحين كل ماتذكر الموقف احقد عليها
واسفه على الاطاله

4 مواقف نكدت علي

الاول صديقتي دقت تبكي عصر الواج لانها ماتقدر تجي وضيفت صدري

الثاني وانا بغرفة العروس القاعه كان حر والمصوره دوختني بكثرة الحركات واهلي ازعجوني المعرس بيدخل استغفر الله مايكفي الربكه الي انا فيها اربكوني زياده

الثالث وانا بالزفه وجالسه على الكوشه ام العريس نادت الناس للعشاء لانها ماتبيني انزف مو كله خوف علي بس على بالها فشيله عند ربعها لانهم ماينزفون

الشي الرابع لما رجعت البيت اخو العريس جاب العشاء من مطعم عادي واكل مايناسب عرسان كنت متخيله شكل الاكل غير شكل حتى لو ماكليته يوم كلينا شوي نزل الباقي لاهله وانقهرت مابيهم يعرفون وش اكلنا وخصوصا خواته قلق استغفر الله بس

سبحان الله وبحمده سبحان الله العظيم