وش هالحال مع هالرجال )!

السلام عليكم


يابنات انا تعلمت السواقه للضروره القصوى فقط بس مو ذاك التعلم
احتاج اعتمد ع نفسي واروح لحالي بالحي مااطلع منه ..
طبعا انا انسانه الحمدلله متحجبه ونقابي صغير وعباتي واسعه ملتزمه بالحجاب الشرعي .. بس عباية كتف ..


اللي غاثني ان زوجي مايغار علي الا من جارنا !!
صاحب البيت طبعا


كان زوجي عادي يخليني اسوق وهو معاي
طبعا يوم من الايام لبست غطايه واسعه شوي ... كنا ع اخر الليل وراجعين من بر .. وتهاونت بحجابي محد يشوفني والدنيا مدارس ونايمين الناس تقريبا ع قرب الفجر وسيارتنا مظلله ماعدا من الامام ..
ويوم وقفت السياره قدام الباب الا جارنا يفتح الباب ويطلع ويجلس يناظرني ويحدق بعيونه فيني وعيونه كذا 😳 وطول النظر علي .. ولا حيا ولا خوف من الله
انصدمنااااا من طريقة نظرته وزعل زوجي منه
المهم هالادمي اصلا داااايم عند الباب بالنهار مايدخل البيت واذا شاف زوجي مسكه سوالف ولايروح اطق نص ساعه جوه انتظره يروح
وزياده طويل عين ..
المهم بعد الموقف اللي صار جن جنون زوجي
وهو اصلا مايغااار علي ...بس مافهمناه الحمدلله والشكر


صار مانعني اسوق .. وصار مغتث من الرجال .. قلت كلمه وقوله يبعد عن الباب ويحترم خروج العوايل بكل هدوء وخلاص ..انحلت كذا ..... قال خير
ونسينا السالفه
وجا الحظر وماطلعت من زمان
تفاجات الحين بعد انفك الحظر ان السالفه تطورت وصار مايبيني اطلع علشان لايشوفني الجار !!
وممنوعه السواقه
لين الله يفرجها
انا عنجد مغتثثثثثثه وابي اطلع اقضي لوازمي
بس حاولت اقنع زوجي ماااانفع ابدا
انا متحجبه وماعلي فيه يطالع لين يشبع ..
مره مره زوجي مايحب يتكلم بالموضوع خلاص يقول قفليه لين اشوف دبره معاه
تخيلوا وصلت لدرجة كرهت البيت ودي ننقل بس ماااانقدر اثاثنا على وشك يتفكك
مره زوجي مباااالغ ومكبر الموضوع احس ..
ومافهمت وش ذا غيره والا وش ...... !!
الرجال متزوج وزوجته عنده ..
همه الرجال وش تفكيرهم بنات ووش ذي الحركات بعالمهم وربي يحيرون !!
المهم عطوني حلول كيف افك هالمشكله الصغيره اللي كبرت ع غير سنع
ملاحظه نسيت اقولكم الحي اللي انا فيه فيه حريم يسوقون عادي مره