وش هالحرمه ليه تسوي معاي هشي موعيب

مساء الخير

ياخواتي ليه البشر كذا
انا قلت مالي الا خواتي اسولف معهن
الموضوع سالفة مشروع انعرض عليا من وحده غريبه لا نعرفها ولاتعرفنا
هذا يمي ايام قريبه اشوي انعزمنا انا واختي نجود اختي متزوجه
واخذتي لوحده من خوايتها خوش حرمه وشرواكن المهم
رحنا وقبلنا بعزيمتها الحرمه قالت به وحده ساكنه عندي فوق جديده
وشرايكن اعزمها وكل ما ابي اعزمها تصير عندي ظروف قلنا بالعكس ارسلي عليا
وارسلت عليها الحرمه مو xxxx من جنسيه ثانيه وماشالله عليها لسنها ينقط عسل
وقامت راعية البيت تقهوينا قالت انا مابدي من قهوتكم بدي xxx مابتجيب الا راسي
قالت لها الحرمه ابشري من عيوني
وجابت الحرمه القهوى وهي تسولف وانا فرحانه بها بقلبي ياحليها
سوالفها ذكرتني بام زكي باب الحاره وربي تونس
المهم قومي يالحرمه وطلعي سيجاره ولعيها ودخنت بنا الحجره والحريم
كل وحده تناظر بثانيه المهم براحتها شي راجع لها ماتدخل
المهم ام تيم اسمها قالت بدي مساعده منكم وبالي اسوي مشروع وبدي وحده
تشاركني هي منها راس المال والاسم وانا مني الشغل واطلع لها المربح وبنص
انا نطيت وربي بحسن نيه قلت ياحبيبتي اشكثر تبين انا اعطيس وقت ماترجعينه باي وقت ماني مستجعله
براحتتس
روحي ياختي النجود واقرصيني من ورا عباتي وقالت لي ابلعي العافيه:mad:
سكت
ردت اختي نجود عليا وقالت وليه يومنتس تعرضين علينا وش المعرفه اللي بينا وبينتس
واول مرا تشوفينا
قالت لاختي
انا مابدي صدقه من حدا وانا كان بدي انفع واستنفع وانا من كثر مابسمع عن xxxx
ربي راهي عليهن ويحبن يساعدن الكل قلت بعمل معهن مشروع
بطلع ربح لي ولهن
قالت اختي الله يرزقتس ان شالله
ظلت اشوي تسولف وتهرج مع الحريم وعقبن اطلعت
وطلعنا
اختي نجود بسياره اغسلتني غسل
قالت انتي مع الخيل يشقرا :3_10_6:وش دخلت بالادميه وش له تسولفين معها
تعرفينها تعرفتس قلت الله يهديتس ياختي انا ماقلت نوقع العقد انا قلت بساعدها
كود عندها بضيقه افرج عنها حرام
قالت لي انتبهي من قلبتس هذا دوسي عليه بالزمن
انطقيت واثبرت بس رجعت قلت لها والله حبيتها ودخلت قلبي:33:

اليوم داقه عليا منين جابة رقمي مدري واطلبة مني اني الح على اختي واقنعها
قلت يمي اختي مستحيل انا اعرفها بس وش تبين انا اعطيس اذا مساعده
روحي وسكري السماعه بوجهي لييييه هالتصرف انا وش سويت :44:
وراها هالحرمه مو عيب هالاسلوب
يعني الطيب ماله قيمه بالزمن
الله يسامحها ان شالله