طبعا انا حرمه كنت قاعده بجلسة كلها رجاله
المهم يوم قمت قصدي ياله شدوني وطلعوني يبوني اقوم زوجي يسحبني مع الباب
وانا ماسكه بايديني الثنتين بقوه باطراف الباب مابي اطلع
وختمها اخوي بضربه من رجله مع ورى << المهم ياله ياله طلعوني
ورجعت لزقت عند الباب لا ومعي خواتي واصلا صوتهم عالي
وماعندهم الا الحرمه عطها العين الحرمه << قصدي الحمرا يوووووه
ومن اول يوم ادبها وانت جايبها ليه الا عشان تخدمك وتخدم ورعانك بلا خدامات بلا قرف
وعمي من جهه وخالي من جهه وللاسف هوسبندي معهم
كل هذا يوم اخوي بيعرس << راحت وطي حرمته
في بعض الرجال يبي حرمته بس تكرف حتى لو هو متعلم يحسون برجولتهم
ويفاخرون بطبخ حريميهم وبشغل البيت زي مانتن نعنبوا بليسكم جابلي وعطاني واهداني وراتبه مدري كم؟
بالتالي لميت شوي من استنتاجتهم وقلت نبي نربيهم وفليخسأ الخاسئون
ياحرمه لاتستهينين بتعبك ابد يعني لاسويتي بيض وشاي الصبح اطلعي من المطبخ وسوي عمرك تعبانه وانك من اذان الفجر وانتي تحوسين ويستحسن تطلعين من المطبخ وبايدك السجاده زيادة تأكيد
يعني لاعمرك تقولين خلصت بسرعه هذا بسيط وهذا سهل سوي نفسك مصارع
وش هالرجال ياحسدهم يطلع لدوامه وقبل يطلع يبيك صاحيه ومسنتره مثل القرد بلحالك
في الحاله مايخالف قومي بس لاتغسلين وجهك وخلي عين وحده مفتوحه ربع فتحه كعين الذئب واول مايطلع
اركضي للسرير وقبل جيته بساعه قومي فزي وسوي غداء سريع واول ماتشوفينه حطي ايدك على ظهرك وسوي روحك من يوم طلع وانتي تدهرين ولاخلصتي غداء قولي بروح انام
<< لاتصدقين عاد مصختيها في حالة كان بيتك حوسه ونمتي ومايمديك ترتبينه
اول مايجي ايدك على المكنسه لاحظي المكنسه هي دليل النظافه والكرف على مر العصور :09: سوي نفسك من اليوم ترتبين ويقالك مانتي متغديه بتكملين شغل لو هو عنده دم وقالك لا تعالي تغدي اول كان بها لو ماقال افصخي برقع الحيا وانزلي تغدي تراك تعبانه من الفجر وانتي تطبخين :icon30:
في حالة انه زار احد ورجع يمدح بيتهم وطبخهم يارفله
دايم خلي على لسانك أي زوجها جايبلها شغاله
لو قالك انا سألته وقال لا والا أي شي قولي من صدقك بيعلمك مايعلمون يخافون من العين <<موضة هالايام حتى الخدامه فيها عين
والا يجيبون شغاله بالساعات وتكلمي بثقه وحطي ايدك على خصرك وانهزي بثقه ولو كان لك كرش بلاها هالحركه وخلينا حبايب لان عواقبها وخيمه
في حالة انك خربتي الاكل والا الثوب الابيض غسلتيه مع بلوزتك الحمرا والا حرقتي الشماغ اثناء الكوي
اياني واياك تستسلمين اثناء تأنيبه لك قصدي لاتخلينه يفرك خشتك بالقاع وانتي ساكته
دايم الزقيها بشئ قولي الغاز خلص وخرب الاكل والا ورعك صاح يوم رحت اشوفه احترق الكوي
والثوب الاحمر عاد قولي قضاء وقدر والمؤمن لايعترض
دايم كوني في حالة ترقيع
في حالة انك بس لازقه على النت والبيت يضرب يقلب ميخالف الزقي بس لما تسمعين صوت سياره من بعيد اركضي افصلي الاسلاك من الجدار وسكري الاب توب وارميه من فوق وشيلي قشك واركضي زي الغزال ابو كرش دسي معالم الجريمه
وعلطول على المكنسه المذكوره سابقا وسوي عمرك تكنسينلما يطلب هوسبندك طلبات ماتقدرين عليها زي غسيل كثير والا طبخات انتي عجازه ماتبين تسوين والا ذابحك النوم دايم حطي انه بيدفع الثمن غالي
الطبخه اكتبي لستة مقادير من اغلى الانواع وحتى لو ماهي للطبخه عشان يقول لا خلاص والا يجيب من المطعم اوفر وانتي تركضين للسرير اللي بيجيب اخرتك عنبوك قومي بس نايمه << وحده تذكرت كلام امها
ونفس الشي اطلبي مستحضرات تنظيف وش كثر عشان الملابس بيهون ويقول خلاص اوديها المغسله, بهالحاله قولي لا جيب الاغراض وانا اغسل او اطبخ الحين بس مو تزنين مره وخلاص والا بتغسلين ملابس الحاره كلها!!
كل ماتشوفين وجهه علميه وش سويتي بتهويل يعني لاغسلتي المواعين قولي انك نظفتي المطبخ كله وانك من يوم طلع ماقعدتي وزي ماقلنا ايد على الظهر وايد ماسكه المكنسه << الا وش خص المكنسه بالمواعين
بالاخير اقول لاتكفختي وتنتفت شوشتك
بعد هالموضوع ترى مالي خص ونتقبل أي خطط جديده
وانا ياعمري ياما قايمه ياما قاعده بس مافاد معه الله يهديه
اما نصايحك رهيبه بس المشكله برقع الحياء يبيله دخلة سوق لانه مهوب عندي
اقول رندلي عندك شغاله
سللللام لاحلى عضوه الله لا يحرمنا من طلتك