وش هالعيد ..

السلام عليكم ورحمة الله وبركاته ..

عيدكم مبارك ولو انها متاخرة بس كنت مشغولة ..
الفترة اللي راحت هي اللي خلتني اسجل في المنتدى لاني بغيت المشورة ..
اللي صار اني انا متزوجة من شهر صفر اللي فات لكن للأسف اخذت لي واحد يبيني على كيفه ,, و اللي اعرفه
ان الزواج مو استعباد ,, وهالصفة الخايسة اللي فيه خلتنا دااااااااااااااايم في مشاكل واخرتها اني الحين في بيت
اهلي ,, تخيلوا يعني اهلي في الرياض وانا من يوم ما تزوجته رحت معاه للمنطقة الشرقية و متفقين من اول ان كل
اسبوعين اجي عند اهلي لكن اللي صار انه في رمضان عاند وقالي مافيه عيد في الرياض وعذره انه ما يبي يرتبط
مع احد ولو رحنا الرياض بيضطر انه يلتزم بعيد جماعته ,, وانا عمري ما عيدت بعيد عن اهلي ولا ابي اعيد بعيد
اصلا وصارت مشكلة و تهاوشنا وقلت باخذ راي اللي حولي وما عندي الا صديقة وحدة والثانية بنت خالتي بس شتتوني
كل وحدة رايها غير عن الثانية صديقتي قالت اصري على رايك وتعالي وفي البداية كان هذا اي بنت خالتي بعد لكن يوم
قلت له قال انا منيب حارمك من اهلك بس اذا انتي ما تبين مصلحتي روحي لكن اذا رحتي لا ترجعين عندي وقلت
معليش باروح عند اهلي اتعيد وكنت احسبه يمزح , اللي صار اني رحت ولعاد اتصل وفي يوم العيد الاول اتصلت عليه
باعايده مارد علي ودريت انه معصب صدق ,, صديقتي قالت لا تذلين نفسك ولو يوصل الموضوع للطلاق اصلا من يوم
ما اخذتيه وانتي متغيرة " وهي صادقة" وفي ثالث يوم العيد اتصل هو بس خلاص قررت معاد ارد عليه ولا اكلمه ولا
عاد ابي ارجع له لكن بنت خالتي تقول خلاص ردي عليه وتصالحوا هماه صار اللي في راسك وتعيدتي عند اهلك اذا
اتصل ردي ,, لكن صراحة انا للحين حاسة اني مابي اكلمه و عاجبني راي صديقتي , لان فعلا هو انسان محد يتحمله
مرررررة عنيد وفوق ذا كله كل ما قلت له زهقانة وبديت اشكي ان اهلي مو حولي على طول يقاطعني ويقول اذا انتي
زهقانة امشي نروح البحر ,, كرهت البحر والسبة هو يعني ما يتحمل يسمعني اتشكى على طول يقاطعني , واهلي
ما يحبهم ما يتصل على ابوي الا في الاسبوع مرة واحيانا ما يتصل , عاد انا قلت باشكي لكم واخذ ارائكم لاني اؤمن
بانه ما خاب من استشار .. وش رايكم ,, اطلب الطلاق والا فيه امل يتغير ؟!!
شاكرة لكل من يرد ..