وش هالقرف :(

مرحبا يا سنعات



بصراحه انا مستغربه من حريم وبنات كثيييييير طبعهم خايس مع الاسف

مايغسلون المواعين كل يوم بيومه يخلون المواعين يومين وثلاثه واكثر .. بعد كذا يغسلونها

بصراحه انا اسمي هالشي قرف وقلة نظافه

كثير اسولف معاهم يقولو والله مانغسل كل يوم نحطها بالمجلي الين تتجمع وبعدين نحدد يوم ونغسلها :(

طيب بيتكم ماتطلع فيه ريحه عفن الاكل وبقايا الاكل ماتعفن وتخمج المطبخ ما تطلع فيه حشرات وقرف :(

لا والمشكله ان ماعندهم لا شغله ولا مشغله كل عصريه صواني الحلى و القهوه وطلعات ومطاعم و اسواق وسناباتهم ماتوقف وتشوفون سنابتهم فخمه وشي حلو ومرتب وصحون التقديم وجلستهم يازينها بس مطابخهم الحمدلله ع العافيه

طيب المواعين والقرف الي مجمعينه بالمطبخ :(

بصراحه صرت اقرف ادخل بيوت ناس كثير مع العلم اني لمن ادخلها نظيفه ومرتبه لاكن باين ان تنظيفهم بس عشان الضيوف ولو مافي ضيوف البيت زريبه

لا تقولو نعذر صاحبة البيت يمكن مريضه او مشغوله

ترى الي خلاها تطبخ تقدر تغسل المواعين كلها كم صحن وكم كاسه وملاعق او اذا مريضه او موظفه تشتري غساله صحون

ولو هالشي صار مره او مرتين مو مشكله لاكن المشكله لمن يكون هذا الشي طبع فيهم


اعذروني على الموضوع بس كان هالموضوع مضايقني وحبيت افضفض وياليت اي وحده تقرأ كلامي تحاول تنظف بيتها وبالتحديد المطبخ وتهتم ببيتها




انتو وش رايكم ؟