وش هالقلوب الميته ؟؟ عمري ماشفت كذا !!

اعوذ بالله ليه الاستهزاء بالموت ؟؟ ليه الطقطقه ع الميت !! مهما يوصل الخلاف بيننا ماتوصل لهالمرحله !!
شي غريب يموت احد منا يعني ؟؟!! ولا احنا ملائكه مانموت !! صح زوجة اخونا بس والله كانها اختنا 💔
اقرب وحده لنا من زوجات اخواني مع انه ٤ اكبر منه متزوجين و ٣ منهم يقربون لنا من الدرجه الاولى بس ندى كانت غير 💔
بعمري وصديقتي واغلب وقتها معانا بيننا وبينهم شارع وجدا قريبه منا واخوي مثل اغلب الشباب يتركها ويسهر ونروح نسهر عندها او تجينا لحد مايجي
جلست سنتين ماحملت وحملت بعدين بشهر ٧ سوينا لها حفله وانبسطنا وفرحنا فيه كانه اول حفيد 💔
المره الوحيده افترقنا فيها لما راحت لاهلها وجلست فتره ماشفناها وتقابلنا قبل اسبوع وطول الوقت جالسين مع بعض حتى نطلع ونتمشى مع بعض كاننا عارفين اننا بنفقدها 💔
كبر بطنها اخيرا وبين كملت ٥ شهور وسمينا النونو ( سيف ) شرت له بعض الاشياء واحنا كل ماشفنا شي نشتريه ع طول ونخبيه له كانه اول حفيد مع انه كان بيكون العاشر 💔
بدل ماتجيني رسائل ناس تعزيني يرسلون لي يطقطقون ؟؟ ويستهزئون ويكذبون !! حسبي الله ونعم الوكيل
ماهمكم انا بالطقاق فيني بس راعوا شعور اهلها واختها اللي تعرف اسمي هنا ويمكن شافت كلامي !!
راعوا شعور امها اللي ممكن يوصل لها هذا الكلام وترفع ايدها وتدعي عليكم انه الله يحرق قلب كل وحدها ع اعز ماتملك !!
ماتوقعت فيه قلوب لهذي الدرجه قذره وكلها سواد بس لاني اختلفت معاهم بيوم من الايام !!!
وحده منهم مات اخوها وانحرق قلب امها عليه وكل ماشوف اسمها ادعيلها وادعي لامها وهي جالسه تستهزء في مصيبتنا !!
واخيرا اقول وين الاداره ؟؟ تشوفون اللي يصير !! تشوفون الاستهزاء بالميت وبالمصيبه ؟؟ العضوات وينهم !! تشوفون اللي اشوفه ؟؟!!
وكل وحده استهزئت في مصيبتنا الله يجعلها تفقد اعز شخص عزيز عليها وقتها تذكر الموت كيف !! وتذكر استهزائها فينا وفي مصيبتنا وحسبي الله ونعم الوكيل