اتلسلام عليكم ورحمة الله وبركاته
عزيزاتي الحوائيات
بطرح عليكم مشكلة اخوي
قدر الله ان انفلونزا الخنازير يصيب 2 من عائلتي
اخوي يدرس ثانوي ونقل العدوى لاختي توها حامل
الحمد لله طابوا بعد استخدام العلاج
لكن اخوي صابه وسواس شديد
والله العظيم يابنات انه بيموت من الوسواس
مو مصدق يقول انفلونزا الخنازير للحين ماراحت مني
ومرة قلبه يوجعه
ومرة يحس بدوخه
ومره يحس انه بيغمى عليه
ومرة شي كاتم على صدره
هبل فينا
ودوه امي وابوي وطلبوا من الدكتور يسوي له فحص شامل
والحمد لله طلعت نتيجة الفحص سليمه
بس هو لازال على حاله
قبل امس دق علي يقول وش يعني اضطراب في الوعي
انا عرفت انه يقصد اعراض انفلونزا الخنازير
قلت ليش قال في التلفزيون يقولون
ان من اعراضها اضطراب في الوعي
واذا حس الواحد بهاالشي يروح للمستشفى
قلت طيب انا خلاص مافيك الا العافيه
قال انتي ماتفهمين جعلها تصيبك علشان تصدقيني
حاولت افهمه ومافيه امل مصر على رايه انه فيه الاننفونزا وبيموت
والله يابنات انه سبب ازمه في البيت
امس جالس يقوللي انا بموت صدري ضاغط عليه شي يوم ناظرت في وجهه
قالب اصفر خايف خوف مو طبيعي
قبل كان يروح مع اصحابه ويلعب كوره
ويقعد على النت والحين بعد المرض
صااااااااار العكس بس جالس ويتشكى ولا يطلع خطوة برا البيت
يقول اخاف ادوخ واطيح في الشارع مااحد درى عني
والله يابنات ان امي وابوي تعبوا نفسيآ منه
مااددري وش الحل معه
تهقون انه يحتاج شيخ يقرأ عليه؟؟
الله يخليكم بنات مابي منكم غير انكم تدعون له ان الله يشفيه من الوسواس
ذكرى الاطلال @thkr_alatlal
محررة فضية
يلزم عليك تسجيل الدخول أولًا لكتابة تعليق.
ياحظي اول وحده ترد
الله يشفيه يااااااارب من الوسواس
بس لاتلومينه صابه مرض الانفلونز وكل يوم والثاني نسمع حالات وفات فاكيد بيجيه الوسواس اتوقع لو تودونه لدكتور نفسي احسن
الله يحمكم ويرعاكم
الله يشفيه يااااااارب من الوسواس
بس لاتلومينه صابه مرض الانفلونز وكل يوم والثاني نسمع حالات وفات فاكيد بيجيه الوسواس اتوقع لو تودونه لدكتور نفسي احسن
الله يحمكم ويرعاكم
الصفحة الأخيرة
ماابي منكم غير تدعون له