وش ها القطاعه اعوذ بالله

صباح الخير عندنا جدي كبير مقعد وعنده عيال اخت قاطعين فيه ولا يزورونه ولا شي يمكن لو يشوفونه بشارع ما عرفو انه خالهم معن جدي يوم كان يمشي كان يروح لهم وهم في ديره ثانيه ويزور امهم الي هي اخته واخته توفت العام المهم انا استغرب من عيالها وبناتها ما يزورون جدي الي هو خالهم ولا حتى يتصلون بتلفون ولا يسئلون عن صحته ولا يهتمون هل هو حي او ميت ولا شي رغم انهم دائم يجون لديرتنا بس مستحيل يمرون عليه رغم انهم كبار كلهم متزوجين المشكله انهم متعلمين ماهم جهله او عاميين الي يقهرني انه امس اكبر واحد فيهم وهو كبير وعاقل ومعه دكتوراه في تخصص ديني وانسان ملتزم جاء امس لديرتنا عشان يوزع كروت زواج ولده تخيلو مر من عند بابنا ودس الكرت من تحت الباب ومشى ولا كلف نفسه يدخل خمس دقائق يحب راس خاله لو انه طق الباب كان فتحو له اخواني ورحبو فيه واكرموه المشكله اننا ما بيننا اي مشاكل ونحب الضيوف ونستقبلهم انا اقول المفروض ما ارسل كرت يعني شي محزن صراحه ومخزي كيف له وجه يسوي كذا