الصراحه احنا لازم هديه الولاده كل خواتي يهدونهم رجالهم بس انا ماهداني لا بالاول ولا الثاني بالعكس كانت هديته بكل ولاده انه يزعلني ويسبني ويرميني انا والطفل في بيت اهلي ولا يجيب خبري بالاول بعد ماطلعت من النفاس اسبوع وسافر لحاله والطفل الثاني للحين في بيت اهلي مع اني والده لي خمس شهور جا بعد ماطلعت بالضبط من الاربعين وجا لاهلي وقعد يسبني وانا والله ماسويت شي وكل كلامه تافه في تافه ماقول الا حسبي الله عليه وعلى من كان السبب

انا بخاطري يهديني طقم ذهب كيف المح واقول له يجيب لي اذا ولدت 😢
؟؟

الحل بالتلميح من بداية الحمل كل ما شفتي شي يعجبك قولي اباه هديتي بعد الولادة هالكلمة ع طول ع لسانك و كل ما ولدت وحدة من اهله او اهلج او صديقاتج قولي له فلانه زوجها هداها كذا و اذا عندج الصورة راويها له و بتثبت الفكرة 100%في عقله الباطن
و لو عنده اخت سنعه و تمونين عليها خليها تتولى المهمة و كأنك ما تدرين هههه
انا زوجي غشيم فالسوالف هذي اشتغلت عليه بنفس الخطة و الحمدلله نجحت

موضوع قديم

انا زيك حملت المرة الاولى وما قدم لي شيء ولمن خرجت من النفاس ورحت معه صار بينا نقاش وتزاعلنا لانه احنا عندنا الوحدة لازم زوجها يجيب لها هدية وحتى قريباتك المقربات لك مرره يسالوك يبون يشوفون ايش جاب لك ويكونوا متحمسين وانا ياحسرة علي
وجاب لي بعدين جوال تسكيته
وحملت ببنتي الثانية وماجاب لي شيء ووقتها حزت في خاطري وما كلمته ولا سألته ليش
بس وربي باقي مجروحة منها
وذحين حامل ونفسي يفرحني بشيء وعارفة انه ماحيجيب لي شيء والله يعين اتحمل تعليقات اخواتي وقريباتي
ولعلمك حتى هو في عايلته لازم اذا الزوجة ولدت يفرحها زوجها ويجيب لها هدية و احيان اخوانه يأخذونه معه عشان يساعدهم في اختيار الهدية 😒 شفتي كيف القهر بس
خليها ع ربك بس