هبايب الجنوب :

الله كريم

الله كريم

نـزاعـة :

قال تعالى : { المال والبنون زينة الحيوة الدنيا والبقيت الصلحت خير عند ربك ثوابا وخير أملا } صدق الله العظيم كلامج صحيح اختي ؛؛ و ما في وحدة من المتأخرات تنكر كم الضيق اللي تحسه بسبب هالشي .. و انا أول وحدة ... رغم اني في البدايه كنت آخذ الموضوع بروح رياضيه مثل ما يقولون .. بس في احيان كثيرة اضعف و تنزل دموعي ... و أرجع امسحها و اقول : الله كريم الزوج اختي مب مثل البنت ... يقدر يشيل في نفسه و يتحمل .. ولا يبيّن أي شي .. بس اذا ما نشوف ضيقه مب معناته انه مب مهتم ... بالعكس .. يمكن متضايق اكثر منا بس ما يقول شي ... !! يمكن يكون من حقنا نتضايق .. نتألم .. نصير انعزاليين ... و وجود الأطفال نعمة أختي .. لكن نحمد الله و نشكره على نعمة أهم و هي نعمة الصحة و العافيه ... الباقي الله كريم فيه ... مثل ما رزق غيرنا .. هو القادر انه يرزقنا باذنه تعالى .. و اليأس لا يكون له طريق في قلبج اختي .... أهم شي الصبر .. و كله محسوب عند رب العالمين ... و الضعف عدو الانسان ... و يجر وراه أشياء ثانيه .. مثل الاهمال و الكآبة ... و غيره و غيره ... خلي ثقتج بربج كبيره ... والله سبحانه تعالي ما ينسى عبده ... و كله مثابه عليه باذن الله يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) وكلي الأمر لله سبحانه .... و من توكل على الله فهو حسبه ... والله يرزقج الذرية الصالحة و يرزق كل متأخرة في الحمل في القريب العاجل ان شاء الله

قال تعالى : { المال والبنون زينة الحيوة الدنيا والبقيت الصلحت خير عند ربك ثوابا وخير أملا } صدق...