وش يعني كذا

السلام عليكم ورحمه الله وبركاته هذي وحده من معارفنا ابوي وابوها عيال الخاله لنا تواصل دائم معاهم يجون عندنا ونروح عندهم وهم ناس اجتماعيين جداً المهم هم 3 بنات و3 اولاد البنت الكبيره متخرجه من الجامعه وحده في الثانوي وحده بالجامعه و الاولاد صغار كلهم المهم البنت الكبيره مستغربه منها يا اخواتي ماتطلع ابداً من البيت حتى كوفيهات مولات زواجات ماتطلع نهائي امها تشتكي منها ورافضه رفض قاطع الزواج تقدمو لها كثير ورفضت يقولون امها واخواتها انها حتى ماتقعد معهم ولا تسولف دايماً بغرفتها وعلى جوالها حتى الوجبات ماتاكل معهم تاكل لحالها تقول امها من يوم كانت في الثانوي وهي كذا وما اخذت جرعات كورونا ابداً وماتبي تتوظف ولا شي حتى الجامعه ماكانت تبغى تكملها بس ابوها جبرها غصب عنها ايش يعني يا اخواتي هذا الشي استغرب صراحه معقول ماتطفش من البيت يقولون اخواتها ماتطلع ابداً يحاولون فيها اطلعي غيري جو ترفض مره مستغربه منها بسم الله عليها وش فيها عورني قلبي عليها كيف كذا 🥺