انا بصراحه اعصب ...واموت قهر .... واذا كان الطفل الضارب كبير اكلمه واهوشه ...بس ما اضربه لانه مايصير اضرب طفل عيييب ....بس اذا كان صغير مايفهم ....اموت قهر واسكتتتتتتتت
ما ادري وش اسوي .....
اما اذا كان طفل متسلط ودايما يضرب وامه تفرج و تضحك وتسولف وتتقهوى ولا همها شيء فانا اهوش الطفل وامه ..واسوي مشكله وان شاء الله عمر امه ما كلمتني العمر كله ..يكفي اني جبرت بخاطر ولدي حبيبي واخذت حقه ..وش بينفعوني الناس اذا تعقد ولدي وصار خواف وضعيف شخصيه على حساب مجاملات..وش بتنفعني علاقتي معهم ؟؟ ماباقي لي الا عيالي الله يخليهم لي

طيب يا مطر الصباح ايش تسوي ادا كانت هدي الأم اختك ؟؟؟؟؟؟

أعتقد لو كانت اختي بيكون الموقف أهون لأني أعامل عيالها مثل عيالي :27:

أنا لما أشوف طفل ضرب بنتي أكيد في داخلي أعصب وأفور خاصه اذا مصخها وكررها أكثر من مره في نفس الوقت :16: لكني ما أصرخ في وجهه ولا اضربه بس في المقابل أنبّه أمه بمزحه عشان توقف ولدها

اما اذا بنتي هي اللي ضربت حد من اليهال أخذها من اديها وأعصب عليها عالخفيف وبعد بدون ضرب أو ضربه خفيفه عاليد كتنبيه فقط

مين الأطفال اللي ما يتضاربون ؟؟؟ كل الأطفال يتضاربون ويرجعون صافي يالبن وبسرعة لكن إذا تدخلوا الكبار في الموضوع ونسيوا الصغار والكبار قعدت في قلوبهم ؟؟
عشان كذا الأفضل عدم التدخل طبعا إذا كانت هوشة عادية - وتعليم الطفل كيف يدافع عن نفسه عشان ما يتشجع غيره في اضطهاده , وتحذيره من البدء في الاعتداء على غيره ..

شكرا يابنات على تجاوبكم وردودكم
لكن عندي سؤال يسدح نفسه
اوكي مانحط عقولنا بعقول الاطفال مانضرب الاطفال مانؤاخذ الاطفال و و و و و
فهمنا ان الطفل ماله ذنب
لكن سؤالي وش السواة بأم الطفل الي لاحياة لمن تنادي

مثال على ذلك

مره زارتني احدى الصديقات <<<الله لا يعيد الشر<<<ههههههه أمزح
ولدها هجم على بنتي وهي نايمه لالها ولاعليها :024: والنتيجة مخش خدودها بيدينه الثنتين وكأنه مفترسها لاوبعد ماقصصت اظافر ولدها لما شفت بنتي وش اشوف

وجهها كله دم وكانت مغشيه من الفجعة ومن الالم :22: والمشكلة انها جنبي بس ماادري كيف وصل لها المجرم

طبعا ضاق صدري :angry2: وقعدت امسح الدم :11retcher وابي اعرف من وين مصدره وقعدت انتفض من الخوف والفجعة والاخت ولا همها :bkh:
ولاحركت ساكن
تخيلوا وش كان ردها
بسرعة تخيلوا


آه يالقهر :icon810:


اشوى انه ماطقهابقوة ولاطيحها>>>>احلفي قولي والله
وهذا الدم الي فيها

صراحة شيء يقهر ويرفع الضغط

وبنتي عمرها توها في 4شهور :baby2:

بالله موقهر
طيب وش السواة كيف اتصرف انا صراحة مااحب الام البارده
على الاقل تهاوشه بهدوء قدامي
تقوله هذا خطأ هذا بيبي مايصير تطق البيبي :icon29:
كلمة ياناس
ولو جبر خاطر

علشان كذا انا طرحت الموضوع لانه مره حساس
خصوصا الي زيي يخافون على بزارينهم



ومره بنتي الثانيه كانت واقفة في حالها
الا وولدعمتها جي يرررركض بكل قوته صاروخ ارض جو :booo: علشان يدفها>>طيب لمسه وحده تفي بالغرض بنتي خفيفة مايحتاج تركض

المهم ودب ب ب ب ب في البنت
وطارت بنتي وطارت وطارت لين ماوقعت
والنتيجة 3ايام مافيه نوم :06:
اليوم الثاني كان فيه عزيمه عندهم ماجبتها خفت عليها خليتها عند امي
لا بعد زعلوا ليش ماجبتيها لاتكونين خايفه الولد يطقها
يعني ناس يرفعون الضغط :confused-

عمري ما اشره على الاطفال ولا احط عقلي بعقلهم لكن ليش مايربون عيالهم ان الطق غلط


وسلامتكم قصيت قصة حياتي
ياالله شاركونا بآرائكم