زهرة الاوركيد400 :

[quote=كتبتلك;46552816]رجعت لكم لا تامن من النساء صغيره ولا من النار شريره ) تصغير لشراره معناه ان الحريم بشكل عام صغيره او كبيره لا تعطينها سرك لان مالهم امان والنار لا تستهينين فيه حتى لو شراره والله الجدات كلامهم حكم[/quot ههههههههههههه هذا ياطويله العمر له سالفه هالمثل يقولون مره واحد فقير عنده حرمه وعيال صغار ويبي يرحل من الديره وماعنده بعير يشيل عليه البيت ولا عنده حق البعير راح لواحد مقتدر وقال له زوجتك بنتي ببعير قال الرجال تم والبنت عمرها 6 سنوات وهي تجي امها تبكي عند زوجت الغني (جاره -ضره -طبينه <بنتها)تقول بنتي صغيره تكفين اعتبريها مثل عيالك واعتني بها الحرمه طلع بها خير واعتنت بالبنت زي عياله كانت تغسلها وتاكلها وتنومها مع عيالها كبرت البنت وصارت 11 سنه تبي الرجال يناضر لها والرجال محترمها زي بناته وهي تروح لعجوز معروفه بالحكمه وقالت ياخاله انا الحين كبرت والرجاال للحين يقول( وغده <<<<<طفله صغيره سن ) ابيه ينام معي ويعدل بيني وبين( ضرتي -جارتي - طبينتي )ايش الحل؟؟؟ قالت لها ياجاء بالليل وقعد عند حرمته وعياله (يتعلل -يسمر-)طبعا يقعد عند النار ويصير (يحرثها - يحركها) بالملقاط حق الجمر ويصير يطلع شرار من الجمر قولي له :لا يابو فلان لاتشرر بالنار يحترق البيت ماتسمع اللي يقولون ((((لاتامن من النار شريره ولا من الاناثي صغيره ))))وشوفي وش يقول... جاء بالليل ونفذت البنت الخطه يوم قالت له قال انا ابو فلان فلانه(يعني زوجته الاولى)جهزي الفراش اليوم يوم فلانه (البنت الصغيره) وتوته توته خلصت الحدوته ايش رايكم تراه يهمني؟؟؟

[quote=كتبتلك;46552816]رجعت لكم لا تامن من النساء صغيره ولا من النار شريره ) تصغير لشراره معناه...