وصايا والدتكـ لزفافكـ..[

السلام عليكم

كما تعرفون ان الاهل و خاصه الام لما يقترب موعد زفاف ابنتها تبدا توصي بها بوصايا قد تكون لتجارب سابقه للوالده وتحب ان ابنتها تستفيد منها و ايضا لتساهم في انجاح زواج ابنتها ..

سؤالي لكم ولتعم الفائدة للجميع و ايضا للمقبلات على الزواج :
ماهي وصايا والدتك لكِ في زفافك ؟؟!:icon28:


ابدا معكم من وصايا امي لي :
زوجك على ماطبعتيه و ولدج على ماربتيه ! وهذه وصيه استفد منها فعلا من بداية زواجي وانا احاول اني اطبع زوجي بامور تكون من صالحي و ايضا من صالحه ..

و وصتني على ابو زوجي و امه ان احترمهم و احبهم و اعاملهم مثل ماحب اعامل امي و ابوي وهذه استفدت منها انها قربتني لاهل زوجي ..

و وصتني ان اتسلح بالعلم وماترك دراستي و ان اعمل واعتمد على نفسي و ماحسس زوجي اني معتمده عليه كليا واني من دونه ماسوى شي لان هذا الشي راح يقلل من قدري عنده .. وايضا راح يكون معتمد علي بشكل اساسي في اموره

و وصتني اني اتعلم احب كل شي هو يحبه و كل ميوله وهواياته اعتبرها جزء من ميولي و وهواياتي علشان مايحس اني عنده زوجه فقط , بل انا ممكن اكون صديقته و اعز اصدقائه بعد ويشاركني كل اموره واكون انا وهو كتاب مفتوح من دون وجود الغاز في حياتنا ..


واخر وصيه واهمها ان ماكشف له عن اسراري الخاصه و لا عن اي شي يخص اهلي فهذا يعتبر خاص فيني و مادخله فيه .. لان ماحد يدري شنو راح يصير بالدنيا يمكن يجي يوم ويستغل هذا السر او الامور الخاصه بالعائله ضدي و يقلل قدري .. وهذه وصيه اعتز فيها لان عندي وحده من قريباتي كانت تكشف كل شي لزوجها الى ان جاء يوم وكانت معاه في مشكله و استغل اسرارها وصار يهددها يعني فعلا مو كل شي ينقال للزوج ..





الحين دوركم شنو الوصايا اللي استفدتو منها ؟؟!!