وصايف مطلوبة حالا

وصايف وينك
وكل وحدة حصل لها مشاكل مع الحبوب ياليت تذكرها

هلا اختي اسفه على التاخير ما شفت الموضوع الا اليوم
حبوب منع الحمل اخذتها 4 سنين متواصله ويوم وقفتها لقيت انها ملخبطه كل شى في جسمي من الداخل والخارج لاني ما خذتها متواصله بدون راحه التبويض بعد ما كان اكثر من الممتاز انعدم وهرمون الحليب ارتفع وهرمون الذكوره زاد والدوره خفت من اسبوع لين 3 ايام تخيلي والبشره الله اعلم فيها والنفسيه وووووو اكمل الله لا يعودها من ايام ومن حبوب ما فيها الا المضره
حتى الدكتوره تقولي انتي مجنونه تسوين في نفسك كذا
هذا كله من خوف الحمل وما دريت انه نعمه لين بغيت افقدها

انا الحمد لله تعالجت وتلحقت عمري والحين الحمد لله حامل وانشالله ناويه اذا منعت الحمل يكون بطريقه ما تاثر علي يعني العد او العزل او اي شى ثاني غير الحبوب
نصيحه لك اختي لا تمنعين الحمل الفتره هذي كلها لانها طويله صحيح بتستمتعين بس بعدين بتجسين بندم على عمرك الي ضاع وما احلى الاطفال يوم يجون سنهم قريب من بعض وامهم ماهي كبيره بعدها في شبابها

وسلامتك هذي حكايتي

اخت وصايف مشكورة على الافادة لكن هل سببت لكي سمنة او اي من هذا القبيل و هل تنصحيني باستخدامها لانني بجد تعبت من العزل و أحيانا اجي بدي انسىلا فأرجو منكي الافادة اخت وصايف

الف شكر لك ياوصايف
لكن وش اسوي انا عندي طفلين بينهم سنة وحدة فقط ولما كان عمر الثانية سنة حملت وانا الان بالشهر السابع
من جد طفشت من الحمل ومن التعب
انا استخدمت وسائل طبيعية ولكن هذي النتجة حملت عليها مرتين
عشان كذا ما لي غير الحبوب
واحس ان فترة 10 سنوات بعد هالثلاثة ماهي طويلة

اختي لميس والله تعب العزل اهون مليون مره من الحبوب والسمنه ماكانت واضحه لاني استخدمت جنيرا واعتقد انها ما تسبب سمنه واجد
اختي هيفا انا استخدمت الحبوب بعد طفلين مابينهم الا اقل من سنه بسبب اني ما ضبط معي العزل لكن من الي والله شفته من الحبوب لو كل سنه اجيب طفل ارحم من الحبوب وهذا الكلام بموافقة الطبيبه ونصيحتها ومن تجربه
انا اختي جابت مشالله اربعه على بعض بسبب لخبطة العزل لكن كل ما شفت منها تذمر نصحتها على النعمه الي هي فيها والي ما تحس فيها الا الي فاقدتها