وصفات الطبخات الي بمواضيعي للبنات الي طلبوها

صباح الخير يابنات



كيفكم ان شالله تكونو بخير


اليوم حابه اجمع لكم وصفات الاكلات الي نزلتها مواضيعي القديمه استجابة لطلباتكم على الخاص


وكمان عشان لا تحوسو بين الصفحات وانتو تدور على الطرق




اول شي موضوع عشا بيت خالتي




طريقة الاندومي







المقادير

1 بصله متوسطه مفرومه
5 فصوص ثوم مفرومه
زيت
قطعه صغيره من الزنجبيل الطازج (يعني بكبر اصباعك الابهم )<<<<< ايش رايكم بالوصف
عصير2-3 طماطم متوسطه الحجم يعني الي تحبه احمر تزيد طماطم
ملعقتين صلصة صويا
خضار مشكله تقطعيها طوال (جزر –فلفل رومي (احمر واخضر واصفر )-كرفس –بصل اخضر-ملفوف )هذا الي استخدمته خالتي عادانتي بكيفك حطي الي تبغيه
4 مغلفات اندومي واذا كنتي بتستخدمي شعيريه مقليه لا تحطي ملعقتين الصويا لانه موجودبداخل المغلف
الطريقه
اول شي تكشني البصل والثوم سواوبعدها تحطي الزنجبيل وعصير الطماطم وبعدها حطي البهارات الي موجوده بالمغلف اليتحب الحار تحط الفلفل والي ماتحب عشان البزوره بس تحط البهار العادي
ويجي مع الاندومي مغلف فيه زيتهذا لا تحطيه
بعدها حطي صلصةالصويا (وزي ماقلنا الي تستخدم شعيريه مقليه خلاص تستغني عن الملعقتين وتستخدم اليبداخل الغلاف )
سيبيه يتسبك شوياوفي هذه الاثناء <<<ايش رايكم بالعربي حقي
حطي المويا على النار عشان نسلق االمكرونه والخضار
اول ماتغلي المويا دخلي المكرونهوالخضار سوا بس دقيقتين مو اكثر وشيليه
صفيه من مويته وحطيه على الصلصه الي سويناها وقلبيهم سوا واتركيه شوي علىالنار لين تتشرب الصلصه وقدميه
وبالصحه والعافيه يارب

(اذا حابه تضيفي دجاج او لحم اوربيان ممكن تسلقها بملح لحالها اول بعدينتحطيها في الصلصه قبل لا تحطي الاندومي والخضار)


طريقة الدجاج المقلي

المقادير

صحنين دجاج (انا استخدمت صحن سيقان وصحن فيه صدور ) يغسل ويدعك بالملح والخل

5 فصوص ثووم مقطعه قطع كبيره
3 كاسات مويا


ملعقة صغيره من (فلفل اسود –فلفل ابيض – كزبره مطحونه – لون الزعفران او كركم (في ناس ماتحب الكركم تستخدم لون الزعفران انا استخدمت لون الزعفران وخالتي استخدمت الكرم ))
شوية حمر (تمر هندي )
قطعة خولنجان ( حسب الرغبه لان ريحتو قويه ممكن ما يعجب بعض ناس )
5 فصوص ثووم مقطعه قطع كبيره
3 كاسات مويا
زيت للقلي

الطريقه
نحط الدجاج في قدر ونحط معاه كل المقادير
نرفعها على النار الين ما تغلي المرقه نحط الملح ولا تخليه مضبووط زيدي شويا عشان يبان طعمه في الدجاج شويا عشان يبان طعمه في الدجاج




نوطي النار ونتركه الين ما يستوي بس لا تخليه يستوي الين يتفتت اول ماتحسي انه استوا من جوا على طول طفي النار
سيبيه يبرد شويا وحطي الزيت على النار الين ما يسخن مره (واذا عندك قلاية بالكهربا احسن عشان لا يطرطش الزيت )
بعدها صفي الدجاج وعلى طول حطيه في الزيت ماراح ياخد منك وقت بس تحمر شيليها على طول (الي حتقلي على النارتسوي زي تشرد اخر المطبخ اول ماتحط الدجاج عشان لا يطرطش عليها )

اول ما يحمر شيليه وحطي على ورق نشاف اخر شي قدميه مع البطاطس وبالهنا والعافيه







السبرينغ روول





البنات الي سالووو عن السبرينغ روووول هي اسخدمت رقاق االسبرينغ رول من السنبله بس الي يجيكي ساده مو بالبيض
وتقلي بعافيه او مازولا يمكن عشان كدا ما يتشرب الزيت


المعجنات

المقادير



كوب حليب بودرة

2 كوب ماء دافيء

2 ملعقة خميرة فورية
نصف كوب زيت
فنجان سكر
ملعقة بيكنج باودر
4 كوب دقيق كويتي

ذرة ملح
الطريقة

1 نحط المويا في اناء ونحط عليه الحليب والخميره ونحركه .

2 -نضيف الزيت والملح والسكر والبيكنج باودر ونحرك.

3 -نضيف كوبين الدقيق فوق الخليط السابق ونخلط.
4 -نضيف باقي الدقيق بالتدريج ونعجن باليد الين ماتصير طريه .
5 -ملاحظة:

من ناحية البيتزا نقللالسكر. هذي العجينة تصلح لأي فطيرة وأي بيتزا


ملاحظه هامه نسيت اقولها قبل (عشان تقعد معاكي المعجنات طريه لاطول وقت اول ماتخرجيها من الفرن غطيها عشان تصير لينه بسبب الرطوووبه )

الحشوات طبعا زي ماتحبي تونه جبنه سبانخ





عجينة البف

2 كاس دقيق
ذرة ملح
1 ملعقه طعام نشا
3 ملاعق زيت
بيض (حسب الرغبه ) انا قلما استخدمه بحكم ان في ناس عندها حساسيه منه
والمويا قد ما تحتاجي ماعندي مقياس معين
تخلطيالدقيق والنشا والملح سوا بعدها تضيفي الزيت والبيض اذا حبيتي واخر شي المويا شوياشويا وطول ما انتي بتصبي تعجنيها الين ماتصير متماسكه وما تلصق ماتجي طريه مره ولاقاسيه واهم شي لما ترقيها ترقيها الين تصير خفيفه عشان تطلع مقرمشه

بعدهاتحشيها بالحشوه الي تحبيها وفي حاجه اكتشفتها انك لما تفرزينيها تطلع الذ ومقرمشهاكثر بس اهم شي انك تطلعيها من بدري عشان يذوب الثلج

وهادي بعض الصور














لحد يسال عن طريقة الكيكه الخضرا اخدناها من حرمه

يتبع لحد يرد