وصفات القلي بجهاز تيفال اكتيفراي

السلام عليكم ورحمة الله وبركاته

انا اشتريت جهاز تيفال اكتيفراي ولله الحمد اللي هو القلي بملعقة زيت
لان الزيت وكثرته تعبنا ودمار للصحه

اللحين كل وحده اخدت الجهاز تقولنا الوصفات اللي جربتها ونجحت علشان الكل يستفيد واللي متردده تاخده خلاص تقرر ووتحمس وتاخده:2thmup::2thmup::2thmup:

حبدأ بنفسي :
هدي صينية خضار بعملها والخضار مقليه طبعا قبل بتلاقي الزيت واااضح لكن دحين الحمدلله ماتحسي فيه والحلو كمان استخدمي الزيت اللي يعجبك ذره او كانولا او دوار شمس او زيت زيتون كلها تادي الغرض نفسه
الخضار المستخدمه ( كوسه - بطاطس -جزر ) تقطع لمكعبات باحجام صغيره قريبه من بعض علشان حتتقلي مع بعض وحطيها في الجهاز والزيت ع حسب كمية الخضار انا حبتين بطاطس وحبتين كوسه وحبه جزر باحط معاها نص ملعقه زيت وخليها تتقلي الين تتحمر تقريبا 15 دقيقه
اجهز ع بالها بتقطيع الباذنجان والملفوف
واجهز عصاج اللحم المفروم او الدجاج
وصلصة طماطم تتسبك ع النار ومعاها ماجي
بعد ماتتقلي الخضار اضيف الملفوف في اخر خمسه دقايق يتقلي معاها
وبعدين انزلها في صينيه ويجي دور الباذنجان يتقلي
وبعد مايتقلي ابدا اعمل الطبقات في الصينيه طبقة خضار وبعدين مفروم وبعد كدا باقي الخضار واخر شي طبقة الصلصه واغطيها وادخلها الفرن تتسبك شوي بس لان كل شي مستوي
واعمل جنبها اي سلطه ممكن فتوش او تبوله او اللي تحبي
ان شاء الله تعجبكم وصفتي ... ترا اول مره اكتب وصفه ع النت دايم اخد بس:cook:

ويارب تضيفو ع الموضوع وتثروه بوصفاتكم او روابط جربتو عملتوها في الجهاز:cook::cook::cook: