وصفات خبير العشاب يوسف الشرفا

أعتقد انه كثير منكم سمعتوا عن خبير الاعشاب الصينية يوسف الشرفا
يظهر أيام الأحد والثلاثا والخميس والجمعة كل اسبوع على قناة A1tv
وانا حبيت اشاركم بعض من وصفاته السهلة الي جربتها واستفدت منها
وحبيت انكم تستفيدوا متلي, استخدموها وانتوا مغمضين عيونكم:35:

وصفة حلوة للعروس (وصفة تبييض الوجه والجسم):
فنجان ماء ورد+ ملعقة نشا
ادهني فيها المنطقة الي بدك تبيضيها وين ما تحبي حتى المناطق الحساسة
تنفع واتركيها حتى تجف تقدرين تستخدميها يوميا اذا مستعجلة مرتين باليوم.

والي بتعاني من الشعر الزائد:icon33: اعطيها هالوصفة لازالة الشعر نهائيا:
فنجان زيت زيتون+عشبة السعد
تغلى على النار دقيقتين وندهن المنطقة بعد الحف كل شهر يوميا لمدة أسبوع

تنعيم الشعر وتمليسه: :bkh:
صفار بيضتين+ ملعقة كبيرة عسل+ملعقتين كبار زيت سمسم
توضع على الشعر لمدة نصف ساعة مرتين بالأسبوع داومي عليها
مش تعمليها مرتين و تزهقي!!

تكبير الصدر:
زبد البحر مطحون ومنخل جيدا مذوب بالماء يدهن يوميا مع التدليك جيدا
واستمروا حتى تاخذوا نتيجة جيدة ولا تنسوا تاخذوا 20 نقطة من زيت الحلبة
يوميا على الريق,اتحملوا الي بده الدح ما بقول أح!:11:

لتسمين الوجه وتورده:
فنجان خميرة+فنجان عسل+ فنجانين ماء ورد
تدهن المنطقة المراد تسمينها وتترك حتى تجف
على فكرة هاي الوصفة لأي منطقة تحبي تسمنيها متل الارداف واليدين
وكمان تشد هذه المناطق.

لقشرة الرأس:
زيت اكليل الجبل+ زيت زيتون بكميات متساوية تدهن فروة الرأس مرتين في الأسبوع

العروس النحيفة الي حابة تتملى شوي قبل العرس:
كل يوم الصبح بتخلطي بالمولينكس 3 موزات + كاسة حليب+ ملعقة زبدة+ عسل حسب الرغبة
وبتشربيهم
اكثري من اكل الجبنة البيضا والزعتر الاخضر
اكثري من اكل التمر والتين والعسل وشرب الحليب
واكثري من اكل الفواكه لانها بتفتح الوجه وبتخليه صافي ومنور.

اتمنى تستفيدوا متلي انا كمان على وش جواز ومداومة على هالوصفات
وحاسة بتحسن واضح
اتمنى الي تجربهم تدعيلي