وصفات رمضانية 🤤🌙

السلام عليكم ورحمة الله وبركاته
جمعتلكم وصفات رمضانية لرمضان 😂
منها الحلويات والموالح والي يخطر على بالكم نبدأ بأول وصفة
أول وصفة للسمبوسة (مطبق بالسمبوسة):
علبة تونة كبيرة أو ٢ علبتين صغار (أو بكيفكم)
كراث أو بقدونس
طماطم
بهارات (اختياري)
٢ بيض (أو على حسب الكمية)
مكس مكس مكس 🤤🥣🥣
تجيبي عجينة السمبوسة تسويها على شكل ➕ تحطين الحشوة بالوسط وتسكرينها
وعلى الزيت او بالفرن بالطريقة الي تحبينها وبالعافيية 😋
..
ثاني وصفة للسمبوسة (سمبوسة حالية 😋):
تجيبين عجينة السمبوسة تقطعينها بالطول على شكل مثلث
تحشينها بجبن كيري (أو أي نوع جبن مربعات) كل مربع جبن قسمية إلى اربعة أقسام
وقفليها وعلى الزيت أو الفرن تطلعينها تزينيها بحليب مكثف أو شيره وفوقيها مكسرات مطحونة بندق او فستق حلبي الي يحبه قلبك وتقدرين تسوينها بدون ما تخليها مثلثة 😋👍🏻
..
نبدأ بالحلا 😋🤤👍🏻:
أول وصفة بالبسكوت أتوقع اكثرها بالبسكوت 😂:
الطبقة الأولى:
بسكوت نغمسه بالحليب تحطينه بالصينية مدري شتسمونها بلهجتكم
الطبقة الثانية:
٢ صفار بيض بدون البياض
علبة حليب مكثف ومحلى
٣ أكواب حليب
٢ ملعقة كبيرة نشأ
١ ملعقة كبيرة فانيلا بودرة أو سائلة ماتفرق في الطعم
الطبقة الثالثة:
بكيت كريمة عادية تخلطيها حسب المعلومات المرفقة
الطبقة الرابعة:
٢ ملعقة كبيرة نوتيلا أو أي شوكولاته عندكم ذوبوها بحمام مائي
٢ ملعقة كبيرة قشطة وبااااالعافية 👍🏻🤤
..
حلا بارد ينفع بعد صلاة التراويح:
بسكوت تكسرينه
جيبي قدر حطي فيه
كوبين حليب
ملعقة ونص نشأ
ملعقتين كاكاو باودر او كاكاو خام أي شيء بني حطوه 😂
نص ملعقة نسكافية
ملعقتين ونص سكر
ظرف كريم كراميل
تحركينه على النار لين يثقل
نضيف قشطة ونكبه فوق البسكوت وصحتين وعافية 🌹
..
حلا بارد ولذيييذ 🥶👍🏻:
الطبقة الأولى:
بسكوت (تقدرين تزيلينه مو مهم بالوصفة)
خمس أكواب حليب
كاسة إلا ربع طحين
كوب سكر يا سكر
ملعقة فانيلا بودة او سائلة
مكس مكس مكس 🤤🤤
الطبقة الثانية:
٣ أكواب حليب
٣ معالق طحين
٤ معالق سكر
ملعقتين كاكاو
صفار بيضة من دون البياض
ملعقة فانيلا
بالعاااافية 👍🏻😋
..
ذي الوصفة طعمه الكل بيسألك عنها 🤤😅:
علبتين بسكوت شاي أو أي بسكوت تحبينه مطحون للغاية
٥٠ غرام زبدة سايلة كبيه عالبسكوت ورصيها بالصينية
بعدها تجيبين صحن حطي علبة زبادي وعلبة قشطة واقل من ربع كوب سكر وكوب حليب بودرة واخلطيها
بعدها خذي ٣ ملاعق فيمتو وصبيها عالبسكوت تدريجياً
دخليها الفرن من فوق لين تتماسك بس درجة حرارة ٢٣٠ اتوقع ١٠دقايق من فوق وتتماسك
والطبقة الأخيرة تجيبين ظرف كريم كراميل وأقل من كوب سكر وثلاث ملاعق فيمتو طلعي الصينية من الفرن
وصبي الخليط عليها بشويش ودخليها الفريزر لما تشوفينها تماسكت تخرجينها وبألف ألف عافية 😋🌸
..
ذي وصفة موالح مره لذيذة وترا مب أنا الي كاتبه انا نسخته فقط
1 كجم من البطاطس المهروسة، ملح حسب الرغبة، ملعقة كبيرة من جوزة الطيب، 2 بيضة، 300 جرام من دقيق القمح، أو ما تفضله، امزج جيدًا لمدة 5 دقائق، ضع في المنتصف مكعبًا من الجبن من اختيارك، واتركه حتى يغلي الماء ثم ضعه في الماء المغلي. عندما ترتفع إلى السطح، أخرجها واسكبها في صلصة من اختيارك
..
تعبتتت آن شاءلله أفدتكم لاتنسوني من دعواتكم 🌹🌹