وصفات للإسهال

الله يشفي بنتك يارب ويخليها لك
عموما انا قريت ها الوصفه في المنتدى بصراحه اخطر من خطيره ولذيذه بعد
انا استخدمتها النفسي بصراحه بغيت اموت من كل شوي داخله طالعه من دورة المياه شي مو طبيعي بس اول ما اخذت الوصفه والله علطول خف المغص وارتحت مرررررره الله يوفقها ويرزقها

عموما الوصف هي انك تجيبي اليمون الاسود حق الطبخ وتكسريه بيدك او تطحنينه افضل
وتحطينه في مقلاة البيض 5 دقايق وانتي تحركينه حتى يحترق شوي وتحسين طلعت ريحته بس مو يحرق مره بس شووووووي تجيبين زبادي وتحطين عليه ذرة ملح وملعقه صغيره كمون والليمون وحركيه بعدين عطيه بنتك والله خطيييييييييييييير

والله اني ادعي لصاحبه الوصفه كل ما جت على بالي الله يوفقها ويرزقها وتعذرني لاني والله ما اتذكر اسمها

جربيها وردي علي وش صار

مرحبا ..

سوي لها نعناع مثل الشاي و بيخف عنها الاسهال أنشاء الله ..

تحياتي

جوهرة الالماس

ام ساره و بس

جوهرة الالماس

مشكورات يا الغاليات على الردود .. و الله ما قصرتوا

الحمدلله هي بخير الحين .. بس انا بغيت وصفات اكثر حق المستقبل .. تدرون ما شاء الله عليهم اليهال معرضين حق اي شي .. بس انا صدق اتلخبطت ها المره و ما عرفت شا سوي .. حتى وصفة الجزر تأخرت يلين ما عطيتها

وصفة الليمون اليابس باين عليها لذيذه .. يمكن ما نلقى صعوبه اذا بغينا تعطيها للياهل .. حتى الشاي النعناع و الله ما خطر على بالي اعطيها اياه لأن فعلا يخفف المغص

يزاكم الله خير خواتي

حمد الله على سلامة بنتك يالسيده ماما

اهم شيء لمن يصاب الطفل بالاسهال السوائل سواء ماء اوشوربه اوشاي خفيف بالسكر

ممكن تسويله محلول الجفاف بنفسك اذا كان الاسهال شديد وهو(أربع ملاعق سكر مع 2 ملعقة ملح تذاب في 4 أكواب ماء) وتعطيه كل شويه بالملعقة وممكن سفن اب

وبالنسبه للأكل نبعدهم عن الزفر والمقليات نعطيهم رز ابيض ساده ،موز،خبز توست بطاطس مسلوقه، زبادي

والعسل دواء للاسهال دلنا عليه رسولنا الكريم عليه افضل الصلاة واتم التسليم

عندما جاءرجل إلى الرسول صلى الله عليه وآله وسلم وقال له: أخي استطلق بطنه..

فأمره الرسول صلى الله عليه وآله وسلم بأن يسقيه عسلاً.. وكان الرجل متعجلاً

لشفاء أخيه فرجع إلى النبي صلى الله عليه وآله وسلم وهو يقول: لقد سقيته عسلاً

فلم يزده إلا استطلاقاً.. وقد راجع الرجل الرسول صلى الله عليه وسلم مرارا.. وفي

كل مرة كان الرسول صلى الله عليه وسلم يقول له: " اسقه عسلاً" وفي المرة

الأخيرة رد عليه رسول الله صلى الله عليه وآله وسلم: (صدق الله .. وكذب بطن أخيك).


تحياتي لكم .

1- الخيل (الحلتيته) من اول ما تعطينه بيوقف الاسهال حطيها مع ماء دافئ ولما تذوب بالأبره عطيها 5 مل انا استعملها لعيالي مع الروب ولا يحسوبها لكن اقل من سنتين بالأبره وتراها مضاد حيوي
2- النشأ ملعقه كبيره اخلطيها مع الحليب