وصفات للبشره
اول وصفة هى القهوة ودى بجد بتفتح جامد انتى بس تاخدى الشوية اللى بيتبقوا فى الفنجان بيبقوا تقال شوية تدهنى بيهم ايديكى وتسيبيهم لغاية ماتنشف هاتحسى بهوا فى ايديك بعد ماينشف البن تفركيه جامد من على ايديك وبعدين تغسليها كويس هاتلاقيها ابيضت ونعمت بس هاتكون ريحتها قهوة شوية انا بحطها كمان على كوعى وجربتها فى ركبة اختى بجد جامدة بس لسة ماجربتهاش على وش حد لما اجربها هاقولكو
تانى وصفة هى الليمون بدعك وشى بنص ليمونة هو بيحرق شوية بس عادى ممكن الواحد يستحمل شوية وحلو اوى كمان للايدين وبعد ماينشف وتغسليه حطى على وشك مية ورد وياسلام بقى لو تمشى على وشك قطعة تلج هاتحسى بفرق
تالت وصفة بقى بودرة الاطفال تحطى عليها شوية مية ورد بس مش كتير يعنى حاولى تخلى الخليط تقيل شوية يعنى مقدارين بودرة عليهم مقدار مية ورد لما تحطيهم شوية وهاتحسى انك حاطة بودرة بس من غير حاجة بس عادى بقى ما انتى هاتغسلى وشك كويس انا بقى مش بتبان معايا النتايج من اول يوم بس تانى يوم بعد الخلطة بلاقى فرق بس عشان ماتحسيش ان بشرتك بقت جافة حطى على وشك مية ورد وبعدين مشى عليه قطعة تلج انا بعمل كدة عموما بعد اى ماسك
ام دندوووووون @am_dndoooooon
محررة ذهبية
يلزم عليك تسجيل الدخول أولًا لكتابة تعليق.
amal-love
•
الف شكر ياعسل .
مشكوره حبيبتي على الوصفات الحلوه وفعلاً الليمون انا مجربته روعه لنعومت الجسم لوحده مايحتاج
اضافات
اضافات
الصفحة الأخيرة