وصفات للشعر رهيبه للمعان و الكثافه و الحيويه ( دعاية صانسيلك)

تكملة الموضوع :

و من أسباب تساقط الشعر ربط الشعر بقوه , عدم أعطاء المجال للشعر أنه يفرز الدهون اللي بالغده ( أوكي نظاف تسبحوا عشر مرات باليوم بس شعرك كل يومين لكن مو تخلينه يدهن ) السشوار القاسي و أستخدام الحل و السبريه

أنا بعطيكم طريقه تقيكم من تساقط الشعر و من الصلع : فنجان قهوه من زيت الزيتون و زيت الخروع و زيت الغار و غليسرين و صفار بيضتين ( حطيهم بعد تدليك رأسك فيهم 7 ساعات و أذا ما تبين تقعدين نامي فيهم و مع الغسال ماراح تبقى ريحة بيض )

و من طرق أنبات و تكثيف الشعر :

*يوضع بالخلاط صبار طبيعي + شوي جرجير + ملعقتين زيت ذره ( الزيت ممتاز لتغلغل العناصر الطبيعيه الى فروة الرأس و البصيلات و أنا أحطه بكل خلطات الشعر ) يوميا لمدة نص ساعه و تبان النتيجه بعد شهر ( أمي كان عندها صلعه بنص راسها أستخدمت الخلطه و من دون التزام ماشالله بعد ست أشهر الشعر اللي طلع وصل لتحت أذونها بس أهي تلتزم بالحنه للتطويل بس بالنسبه للكثافه الكل علبالهم مسويه زراعه )

*في أنبولات أسمها أيفا ألوفيرا EVA ALOE VERA تستعمل أنبولتين بالأسبوع لمدة شهرين الأنبوله شفافه و السائل أخضر بعلبه بيضه فيها أخضر مكتوب كليها بالأخضر فيها خمس أنبولات و سعرها 1,925 فلس يعني حوالي 20 درهم\ريال كلنا استخدمناها أنا و خواتي ثنتين و رفيجاتي و رفيجات خواتي و ولد خالي و مرت خالي ماشالله ما تدرين من وين يطلع الشعر ( تحطينها بعد ما تغلين شعرج و أهو مبلول عالجذور و تنشفينه عادي )

*لعلاج التساقط و الصلع و صفه مجربه نجحت على رجال و نساء بالثمانين من أعمارهم : فنجان زيت سمسم + ملعقه صغيره زنجبيل ( يوضع عالشعر 3 ساعات 3مرات بالأسبوع )

**تدهن الفروه بزيت الزيتون أو زيت اللوز الحلو أو زيت الخروع \ شطف الرأس مع الغسله الأخيره بكوب ماء+ ملعقتين خل تفاح \ زيت زيتون نقع فيه زعتر أسبوعين بالشمس \دلك الفروه بالخزام ( كلها مفيده لأزالة قشرة الرأس )

حبايبي هذي الوصفات ممتازه و مجربه مني شخصيا و من أهلي و أتمنى أكون أفدتكم و أتمنى تقولون لي رايكم بصراحه و شكرا

جاااااااااااوجاااااااااااو

هلا كويتية^فراولة

عجبتني وصفاتك شكلها مفيده
و بعدين الحلو فيها التفصيل لأنواع الشعر و النصائح الحلوة اللي تعالج أساس المشكلة من الداخل

بس عندي سؤالين بعد إذنك
عفواً .. بالنسبة لصلعة أمك هي كانت عندها من زمان " كم الفترة" و لا كانت شي عارض و هي على
طول عالجتها بخلطة الجرجير؟؟

ثاني شي بالنسبة لوصفة الزنجبيل قصدك زنجبيل طازج و لا مجفف مطحون ينفع؟؟
و كيف بس احطه مع الزيت و على طول على الشعر ... و لا لازم يجلس فترة كم يوم مع الزيت و بعدين أحطه؟؟

و لكِ مني جزيل الشكر:26:

:26: :26: يعطيك الف عااااافيه اختي كويتيه مااااقصرتي
اختي ابي اسالج اذا تعرفين هالانبووولات اسمها furterer (اهي لايقاااف تساقط الشعر ) ا و اي حد من البنات تعرفها تقوووولي
لاني قاااعده استخدمهن
ولا عليج امر بغيت اسالج اي طريقه استخدم لايقاااف التساقط وانباااات الشعر اللي طاااح الطريقة اللي استخدمتها الوالده الله يعطيها العافيه والا طريقه زيت السمسم والزنجبيل...علما اني خااالطه هالزيووووت كلها مع بعض
الف شكر لج الغالية

small_bird

والله أمي كان شعرها متعافي يعني لاهو كثيف ولا خفيف بس من الصبغات صلعت من جم سنه و بعدين أمي يتها فتره ما تعتني بشعرها و أذا قصدك الجرجير يعالج حالات خاصه ؟ لأ أهو يعالج جميع مشاكل الشعر الخفيف سواء متساقط أو وراثي أو من آثار رجيم أو تالف من صبغات ...............إلخ

أما الزنجبيل فهو مطحون و تخلينه بالزيت فتره قصيره مو كم يوم , بنفس اليوم يعني حطيه بالزيت شوي و سويلك جم شغله و رجعي حطيه .
************************************************************

شروق الحب :

أنا ذكرت للأخت منافع خلطة الوالده فهي ممتازه و كذلك خلطة زيت السمسم , أما إذا أنتي شايفه عندج خلطه زينه على راحتج و يليت تفيدينا , و بالنسبه للأنبولات أنا ما أعرفها و أنشالله أسألك فيها بس أنبولاتي ممتازه

و أولا و أخيرا لكل البنات لازم تعرفين مشكلة شعرج و الأسباب علشان تقدرين تختارين العلاج المناسب و صدقيني أغلب مشاكل الشعر و البشره عندنا بسبب سوء التغذيه و وايد بنات يتجاهلون هالناحيه من العنايه الجسديه و الأضطرابات النفسيه و القلق من أكبر مسببات مشاكل الشعر و أي وحده بتسوي ريجيم مهما كانت مدته الرجاء أنها تاخذ حبوب مغذيه في منها أنواع وايد أشهرها سنتروم و حبوب الخميره و كابسول بيرفكتل

أرجو أني أفدت الجميع

ماسكات ( أقنعه طبيعيه ) :

الشعر الجاف :

*بيضه مخفوقه +كوب زيت لوز حلو + 20 غ من اللوز المطحون ( يحرك الخليط حتى نحصل على خليط متجانس ثم نضعه عالشعر خصله خصله لمدة ثلث ساعه )

**بعد الشامبو :عصير بقدونس + عصير نص ليمونه + كوب ماء ساخن ( يترك جانبا حتى ننتهي من الشامبو ثم يوضع عالشعرخمس دقائق مع المساج )


الشعر الدهني :

*ليتر مياه معدنيه + عصير ليمونه ( يشطف به الشعر في الغسله الأخيره )

**تونيك صباحي :ليتر من الماء +حفنه من الزعتر ( يغلى لمدة ربع ساعه ثم يصفى الخليط و يضاف له ملعقه كبيره خل تفاح و يدلك به الشعر ولا يغسل الشعر بعده ) خضي الأناء قبل كل أستعمال

***4ملاعق صلصال(عندالحواي) + ملعقتين زيت زيتون + قطرات من زيت الزعتر العطري (يوضع المزيج عالشعر ثلث ساعه ثم يغسل الشعر بالشامبو المعتاد )

جاااااااااوجاااااااااااااااااااااااو