طبعا ماصدق بعضكم ودخل على طول يوم قلت اكبر ساحر هاذي بصراحه من عندي علشان يجذبهم الموضوع شوي لاانه مازال فيه ناس تركض وراء هالخزعبلات وانا والله ماادري شلون الوحده ترضى بحب صناعى مش طبيعي نابع من القلب لحب زوجها لها والله انا اعيش عمرى كله بلا زوجه ولا ااعيش مع وحده احس انها تحبني بفعل ساحر اعوذ بالله عموما يااختى السحر هو سحر الكلمة الحلوه الجميله النابعه من القلب الخاليه من المصلحه الخاليه من الاذلال الكلمة اللى مفعولها اقوى من اكبر حجاب والا تميمة سحر حب حقيقي مش مصطنع والا وقتى لا الكلمة اللى تجبر زوجك انه لو كان بعيد عنك يحترق لااجل يرجع ويسمع منك كلمات الحب المعسول بالفعل اكثر من القول والخصها بببعض النقاط

- اذا كان جاي من العمل تعبان اقوم وافتح له الباب بنفسي مااخلى خدامه والا اولادي يفتحون له الباب
- اخذ منه غترته طاقيته قبعته جاكيته واعلقه وانا مبتسمه واساله عن احواله اليوم
- استقبله بكاس ماي بارد يطفى نار عطشه وشرط بارد صيفا بس مو حار شتاء
- الاكل جاهز على الطاوله والاكل اللي يحبه طبعا مااغثه بطبخه مايحبها
- ابعده عن اي مشاكل بعد وصوله من العمل مهما كانت ولا اجيب له طاري ابد الا ااذا ارتاح افتح معه موضوع اي مشكلة حدثت
- اهي له جو الغرفه للنوم بعد يوم عمل متعب مكيف يشتغل نور مطفى شوى عطر يريح النفس
- اذا صحى من النوم الشاي جاهز تقعدين معاه تشربين الشاي والبسكوت او الكيك بين ايديكم اذا جاء وقت المغرب تذكرينه بالصلاة مع الاولاد
- بعد العشاء تقترحين عليه طلعة تمشى مع الاولاد
- اذا طلعتى معه افتحى اي موضوع مضيق خلقك او خلقه اختارو مطعم تتعشون فيه ادعيه للعشاء على حسابك .
اذا طبقتى هاذي النصايح والله بتشوفينه مايطلع من البيت وخاتم بين يدينك اما اذا واهم شي لاتمنين بالشى اللي تسوينه له لاانه بينهدم كل شي بنيتيه بالمنه والا انا غلطان
.............................................................
ملاحظه بعض الاخوات اتوقع تقول لى زوجي ماينفع معه خلاص راحت عليه وان القطو العود يعنى الكبير ماينتربى بقول لها حاولى ماانتى خسرانه ابدي من جديد معه وسلامتكم