وصفة الكل غافل عنها لتساقط الشعر كانت اخر حل لي واستمريت عليها

للاسف بالعادة ندور زيوت او ادويه لمنع التساقط للشعر
بس مافكرنا بهالموضوع بطريقة منطقيه

انا عانيت من التساقط من بعد صبغات الشعر اللي تعدم الشعر للاسف
وتركت الصبغات من زمان وماستخدمت شي حتى الحنة

بس لي شهر تقريبا مسوية هالبرنامج لشعري والحمدلله التساقط اصبح لايُذكر
جربوهاا ...... يمكن برنامجي بسيط وعادي جداً بس راح تلمسون الفرق ان شاء الله


بالبداية اعطيكم معلومة ان احيانا يكون سبب تساقط الشعر هو تراكم الدهون على الفروة
وهالشي يضعف منبت الشعرة ويزيد من احتمال تساقطها

لذلك فكرت استخدم شامبو يخلي فروة الراس صحيه وشامبو بدوون بلسم (( طبعا مافي غير شامبو هيد اند شولدرز )) حسيت انه هو الشامبو الوحيد اللي من جد يخلي الفروة منتعشة

نجي لبرنامجي الخاص ....

1- قبل الشاور احط زيت دابر املا على الفروة واخليه ساعتين اقل شي قبل ما اخذ حمامي
2- بالشاور اغسل شعري بشامبو هيد اند شولدرز الجديد اللي نازل او ممكن تستخدموا هيد اند شولدرز اللي بالنعناع انا جربت الاثنين وكانوا روعة ....... اهم شي لاينحط اي نوع بلسم على الشعر لان هو اللي راح يسوي تساقط
3- انشف شعري وقبل لا امشطه احط عليه مسحة من اي كريم للشعر بس انا استخدمت بالمرز الاصفر اللي زي الجل بس مسحة خفيفة وابدء امشط شعري طبعا اكيد راح ينزل كم شعرة بس عادي لان الشعر مبلول ومرة ضعيف وبعد ما امشطه احط عليه مسحة ثانيه من الكريم واحط خمرية اي نوع علشان الريحة حقت الزيت تختفي وبس امشط شعري والفه او اظفره عادي المهم انه يجلس كذا كم ساعه الين ينشف لوحده
4- بعد مايجف الشعر افتحه وامشطه مرة ثانية وخلاص

بالفعل هالطريقة جالسة اسويها لي شهر والحمدلله لقيت تحسن ملحوظ بس انا شعري ممرة عادي مو مررررة ناعم وشوي دهني لكن ماشاء الله من بعد هالبرنامج حسيت اني مو بحاجة للسشوار

جربوه ويارب يجيب نتيجة معكم