يابنات جايبة علاج خطير ومجرب قريتو في احدى المنتديات.....وهو التبخر بالشاي....لا تستغربوا....صاحبة الموضوع تقول جات مقابلة في احدى القنوات مع معالج بالطب الشعبي....وسألوه عن علاج للعقم فقال التبخر بالشاي ..
تقول...جلست عدة سنوات وانا ما خليت علاج بالكلوميد وبالابر ...وآشعة مالها اول ولا آخر ....وبعدين سبت العلاجات كلها لانو الدكتورة تقول الابر ما صارت تسوي معاكي شي كأني بأضرب الابر بالطوفة....
المهم انا عندي ولدين قلت احمد ربي عليهم وخلاص ..لما شفت المقابلة قلت اجرب مني خسرانة وما قلت لاحد خفت اقولهم اتبخر بالشاي يقوموا يضحكون علي....جات الدورة واتبخرت بالشاي...ونزلت مني اشياء فظيعة....واللهم لك الحمد حملت في نفس الشهر....وبعدها صرت احمل من غير علاج واكرمني الله بتوأم....
وبرضوا شفت الردود على العلاج ..ومن ضمن المشاركات وحده جربت مرتين وفي كل مرة تتبخر بنفس الشهر تحمل.
الطريقة
...
جيبي اوراق الشاي وتحطيها على الفحم وتتبخري بيها.....يعني توقفي فوق البخور الين ما بنحرق كل ورق الشاي
تستخدمية من خامس يوم بالدورة 3ايام وتتبخري في نفس الوقت من كل يوم
وبعدعا تجلسي 3ايام من غير جماع لانو حتخرج منك بلاوي بعد التبخير
بعدين عاد يبدأ الجماع.....
يلبنات الي جربت ده العلاج تكتب للفائدة والي ما جربت خلونا نجرب
امنتكم اي واحدة تقرا الموضوع تدعيلي احمل ويرزقني ربي بالذرية الصالحة المعافاة..ولولدي يحفظوا ليه..
ويارب ترزق كل محرومة .....يارب العالمين
يلزم عليك تسجيل الدخول أولًا لكتابة تعليق.
طلبتك يارب
•
الله يحفظ لك ولدك ويرزقك بالذريه الصالحه
الله يحفظ لك ولدك ويرزقك ويرزقنا بالذريه الصالحه
سؤال // واللي دورتها 3 ايام بس متى تسوي هالوصفة ؟؟؟؟؟؟
سؤال // واللي دورتها 3 ايام بس متى تسوي هالوصفة ؟؟؟؟؟؟
الصفحة الأخيرة