وصفة جدتي للحروق ماصدقناها لين جربناها / لا خلطة ولا تعب

كل ما انحرق احد تقول جدتي حطوا ليمون!!!
ونحن نطنشها ههههههه
ونقول بنفسنا تخاريف عجايز ..الليمون بيحرق
ومرة كنت عندهم وانحرقت بنتي غطست يدها في الفول يغلي💃🏾هههه
وتطير جدتي ع الثلاجة اخذت ليمون باااااااارد وعصرته ع يد البنت و جلست يمكن ربع ساعة بس تعصره
يد بنتي انحرقت بالكامل ... والليمون جدتي تعصره ع منطقة وماهي شايفة المنطقة الثانية من شدة بكاء البنت و تحركها


المهم بنفس اليوم انتظر شي ينتفخ ....!! ولا كأن حصل حرق
لا نفخة ولا اثر ولا شي ياجماعة ماشاء الله
و الجهة اللي مانتبهت لها جدتي انتفخت و تعبت مويه وصار لونه موف وبعد فترة انقشر ووو ... قالت ماعد ينفع ليمون الان
من بعدها والله الليمون اول شي في اسعافات الحروق عند العيلة كلها ههههههه
شفناها النتيجة بعين اليقين
و ليس من رأى كمن سمع


و الاسباب في فعالية الليمون هي :
1- البرودة ...الليمون البارد جدا يبرد الحرق مثل الثلج
2- والحمض اللي فيه يكمش الجلد مايسمح له بالتورم والانتفاخ
3- الليمون مضاد للالتهاب والبكتيريا
4- فيه فيتامين سي مرمم للجلد وعادة نستخدم C سيروم للبشرة


ملاحظات :
1-ماتحطي الليمون على الحرق المفتوح المكشوط ممنووووع
تحطي الليمون مباشرة اذا انحرقت -لا سمح الله -اما بعد فترة مايسوي شي




وبعد كذا صرت انصح صحباتي فيه
ومرة وحدة قالت لي نحن نحط موية باردة مع ملح والله اعلم ماقد جربته