وصفة جمالية من اليمن اشتريتها ومتوهقة فيها

أسفة حصل خطأ
بكمل لكم الحين اشتريت أيام مهرجان دبي من القرية اليمينة (غسول)
عبارة عن سدر مطحون يستخدم للجسم والوجه عند الاستحمام
بس ما عرفت طريقته عدل وشفت اليمنيات وغير اليمنيات ياخذون
منه بالهبل وسمعت الحريم اللي واقفين عند المحل يقولون زين
للبشرة بشكل عام وخصوصاً العروس او اللي راح تطلع من النفاس
علشان تصير مثل العروس بشرتها تلق لق
ولكن الحين متوهقة ومب عارفة كيف استعمله فياريت من أخواتنا اليمنيات
اللي يعرفون طريقته يعلمونا لأني عروس وأبغي ألق لق (هاها)
بس أنا عندي معلومة تقول إن السدر يستعملونه علشان ينبت الشعر
خايفة بعدين الشعر يكثر في ويهي وجسمي وبتكون مصيبة لأني عروس
وما عندي وقت أقعد أرقع في عمري .

رجاء قولو لي شو أسوي لأني اشتريته وتوهقت فيه .

أختكم
أم عــــــيون فتـــانــــــــة

مرحبا ام عيون فتانة بصراحة ماعندي اي فكرة بخصوص الغسول

لكن عشانك راح اسأل لك وارد لك خبر بأذن الله 00

وان شاء الله البنات كمان يفيدونك بخصوصة

تحياتي

:26:

حبيبتي لا تخافين ترى السدر واااااااايد زين لتصفية البشرة من الشوائب فيها انتي استخدميه دائما بس ما تستخدمين معاه صابون ثاني في نفس الوقت واذا استمريتي بتلاقين الفرق


والسموحة

السلام عليكم
عزيزتي الغسول هو السدر بس عندنا في مدن مثل مدينه عدن يسمونه الغسل وليس الغسول وهو مفيد جدا للبشرة واستخداماته للبشرة
للنفاس يخلط مع قليل من الحناء وقليل جدا اطراف الاصابع من الكركم الخاص بالجسم لان في خاص حق الطبخ وفي خاص بالجسم ان زين ويخلط مع زبادي ويدهن به الجسم كامل في خلال فترة النفاس وهو يطلع لاجسم يا سلالالالالالام
للعروس في يوم الحناء ضروري تغتسل به وهو مفيد وطبعا تكون مستخدمته قبل فترة مع الحليب السائل او المجفف كما ذكرت في موضوع السدر وفوائدة للبشرة
وانشاء الله اكون افدتك واذا في استفسار امري وتدللي

:42:

هلا والله بنات ..... تسلمووون على الوصفه الحلوووووه وانشالله راح اجربها .. بس اختى الاريج مافهمت هاذى بصراحه وقليل جدا اطراف الاصابع من الكركم الخاص بالجسم ..... من وين هاذى ايييبه وشلون صاير شكله واول مره اسمع عنه فى للجسم وممكن تحطين صوورته عشان اعرف شلون صااااااااير ......... وجزاكم الله الخير :17: :26: