وصفة لتهدئة الكحة عند الاطفال من تجربتي

وصفة لتهدئة الكحة عند الاطفال

بسم الله
السلام عليكم

سبحان الله
الحمدلله
الله أكبر


طبعا مع فصل الشتاء جميع الامهات تعاني مع أطفالها بسبب كثرة الأمراض من انفلونزا وكحة وخلافه

وهذي وصفة انا مجربتها ماشاء الله تبارك الله ممتازة لتهدئة الكحة في الليل لان اكثر شي تزيد الكحة اذا نام الطفل وتصير متواصلة وهي مكوناتها سهلة وموجودة بكل بيت

طبعا الطريقة هذي سويها اذا جاء موعد نوم طفلك بالليل
المقادير
زيت زيتون مقدار ربع كوب تقريبا
ملعقة كبيرة فازلين القديم اللي علبته مربعة وغطاه أزرق
نص ملعقة كبيرة فكس الازرق

الطريقة
سخني الزيت اما بالميكرويف او على النار بعدين ارفعيه وحطي الفازلين والفكس وحركي لين يذوبن

الحين والخلطة دافيه تميل للحرارة شوي دهني صدر طفلك وظهره وكثري الكمية واباطه
وخلف اذانه
واقدامه وباطن اقدامه ولبسيه شراب
واذا كان ياخذ علاج كحة شربيه اياه وبعدين حطيه بفراشه وغطيه ينام عشى يدفى صدره ويلين ماينفع تحطينه ويقوم ويلعب مايصلح

وبس

ملاحظة
الوصفة ماتصلح للاطفال تحت ثلاث سنين لوجود الفكس ممكن تسويها من غير الفكس
ماتصلح اذا الطفل عنده حرارة

واتمنى اللي تنفع مع طفله ماتنساني من دعواتها