.
السلام عليكم يانحيفات ياعصاقيل ياقاضيات >>تراني أمدح:35:
تدرون إن عائشة رضي الله عنها كانت تعاني من النحافة زيّنا ؟
وتدرون إن أمها كانت تعاني عشان تسمّن بنتها عائشة رضي الله عنها ؟
وبعد معاناه مع النحف ..حصلت على وصفة تسمنها ..وتركتها لبنات المسلمين -اللي هم احنا- من بعدها ..
أنا ماأقول أنا يابنات سويتها وسمنت ..لا لا أنا أقول السيدة عااااااائشة إستخدمتها وسمنت ..
في أكثر من كذا تأكيد ؟
تبون الوصفة قبل وإلا الأدله على كلامي ؟
خلونا ناخذ الوصفة قبل ..
الوصفة تقوووووووول ..
1- رُطب..وطبعاً الرُطب معروف عند الجمييييع ..هو ثمر النخيل الناضج ..
2- قثاء ..
وهو نبات يشبه الخيار بس أفتح لون منه .يعني لونه مائل للصفره وطعمه حلو ؛)
وهذا هو القثاء
بس يابنات هذي الوصفة ..
فيه أسهل من كذا ؟ ماأعتقد ..ومن وين من مصدر موثوق ..
فيه بنات يحسون بحرارة عند أكل التمر وأنا وحده منهم ..بس تعالوا شوفوا وش يقول الرسول صلى الله عليه وسلم
عن أكل القثاء مع التمر ..
قال في التمر والقثاء : « حر هذا يكسر برد هذا »
يعني حرارة التمر تطفي برودة القثاء ..
فيه أحسن من كذا تناغم وتجانس ؟
أبد ماتلقون ..
خلونا نشوف الأدلة على كلامي ..
عن عائشة قالت : أرادت أمي أن تسمني لدخولي على رسول الله صلى الله عليه وسلم ، فلم أقبل عليها بشيء مما تريد ، حتى أطعمتني القثاء بالرطب ، فسمنت عليه كأحسن السمن
الراوي: عائشة - خلاصة الدرجة: صحيح - المحدث: الألباني - المصدر: صحيح أبي داود - الصفحة أو الرقم: 3903
وفي رواية أن الرسول أوصى والديها بإطعامها الرطب مع القثاء ..
طيب تعالوا نشوف كلام الدكاترة عن القثاء ..
(1)
يقول الـ د/ جابر بن سالم القحطاني في مقاله بعنوان :
القثاء مسمن ومنظم للدم ومعالج للنمش والكلف
لقد تحدث الأطباء العرب القدامى عن فوائد القثاء، حيث قالوا انه يسكن العطش واللهيب وحرارة المعدة والكبد ويخرج حصاة الكلى ورملها ويحلل الأورام.. والقثاء أسرع هضماً من الخيار. وهو مسمن جيد. وروي عن السيدة عائشة رضى الله عنها قولها: "سمنوني بكل شيء فلم أسمن، فسمنوني بالقثاء والرطب فسمنت". يحتوي القثاء على أحماض أمينية وكاروتين وزيت طيار وسليليوز. القثاء في الطب الحديث له خواص مثل خواص الخيار فهو مرطب ملطف ومنظم للدم مذيب للأحماض البولية والأملاح، مدر للبول مهدئ، خافض للحرارة ومضاد لمغص الأمعاء وتهيجها وضد زيادة الصفراء ونزيف الدم، ولداء المفاصل ويستفاد من القثاء لجلدة الوجه حيث يطبخ في ماء بلا ملح ويغسل به الوجه، ولأجل صفاء الوجه توضع شرائح منه على الوجه بضع دقائق، ولمعالجة النمش والكلف يعمل غسول من مزيج من الحليب الطازج وعصير القثاء ويغسل به الوجه لإزالة الكلف والنمش.
إنتهى كلامه
يعني لو بدأ يخرب القثاء عندك بدل ماتكبينه إعصريه وأخلطيه مع حليب ونظفي به وجهك ..:27:
(2)
وسُئِل الأستاذ الدكتور عبد الباسط سيد: المتخصص في العلاج المستند للتعليمات النبوية (الطب النبوي)، وأستاذ الفيزياء الحيوية الجزئية والطبية، ورئيس قسم الكيمياء الحيوية سابقًا بالمركز القومي للبحوث، بمصر
عن طريقة لزيادة الوزن فأجاب : بالتمر والقثاء ..
.
.
السؤال اللي أتوقع إن البنات يسألونه وش المقادير !!:35:
والجواب : لم يذكر المقادير بالضبط..
ولكن إجتهاد منّا في التطبيق راح نفطر على 7 تمرات وحبة قثاء ..
ومساءًا (المغرب) 7 تمرات و حبة قثاء ..
واللي مستخدمه نظام معين لا تقطعه تزيد عليه هالوصفة المضمونه ؛)
هاه بنات من مستعده تبدأ وتشجعني أبدأ معها ؟
.
.
وربي كلامك صحيح
وبصراحه دخلت مزاااجي بقوووه
راح اجيب القثاء واجربها
والتمر ولله الحمد متوفر
مشكوووره حبيبتي
وربي قنبله حلوووه