السلام عليكم يا بنات
وصفة اليوم سهلة بزاف و جربتها شخصيا و نفعاتني الحمد لله . و قلت نشاركها معكم و نتمنى تنفعكم ان شاء الله
الوصفة كالتالي :
حبة طماطم
+ حليب بودرة (نيدو)
الطريقة :
كتخدي حبة الطماطم كتحكيها فالحكاكة (الجهة الرقيقة) ولا كتطحنيها و كضيفي ليها 2 معالق كبار الحليب البودرةولا 3 (على حساب قداش طماطم عندك ,عينك ميزانك)
كتخلطي مزيان .
كتغسلي وجهك تنشفيه
و كديري الخلطة و تكاي معا راسك ولا ديري شي حاجة لمدة 20 دقيقة ولا 30 دقيقة (حتى ينشف الخليط على وجهك ) .
من بعد كتغسلي وجهك يالماء دافئ والا برد (انا شخصيا كندير ماء دافي و تاني بارد)
نتمنى تجربو الوصفة او ردوا علي
نهاركم مبروك