السلام عليكم ورحمة الله وبركاتة ..
كيفكم حبيباتي :)
في البداية الحمدلله اللي جعل الشفاء بيده وأسأل الله لكل مريض ومريضة الشفاء العاجل ..
قال رسول اللَّه (عجباً لأَمرِ المُؤمِنِ ! إنَّ أَمرَهُ كُلَّهُ خَيْرٌ - و ليس ذلكَ لأحدٍ إلاّ للمُؤمِنِ - إنْ أَصابَتْهُ سرّاءُ شَكَرَ فكانَ خَيراً لَهُ ، و إنْ أَصابَتهُ ضرّاءُ صَبَرَ فكَانَ خَيراً لَهُ )حديث صحيح ، رواه مسلم .
في البداية أنا عانيت معاناة شديدة مع الإمساك المزمن واللي سبب لي شرخ وبواسير والله العالم بمدى الألم والمعاناة اللي كنت فيها ولمدة 3 أشهر واللي كانت بعد ولادتي ..
استخدمت ملينات ومراهم وتحااميل أشكال وأنواع ولكن كل هذي العلاجات قلت لها خلاااص ياماما برميك بالزبالة ماراح أستخدمك أكثر من كذاا :42:خفت جسمي لايكون تعود عليها .. وبالذات انها ماكانت تريحني مرا .. ولأني كمااان لقيت الحل اللي فرحني وريحني والله يجزاها ألف خير اللي دلتني ع هذا العلاج ..
في الصباح أول ماأصحى على الريق ..
برتقالة - كآسة عسل أصلي مع موية وملعقتين زيت زيتون أصلي - كاستين أو ثلاث كاسات حلبة ..
هذي مقادير الوصفة ..
برتقالة واحدة .. أو أكثر ماهي مشكلة ..
كاسة تحطي فيها 2 ملعقة كبيرة عسل أصلي + 2 ملعقة كبيرة زيت زيتون أصلي + تملئي الكاسة موية وتقلبيها وتشربيها ..
2 أو 3 كاسات حلبة .. ( 2 ملعقة حلبة لكل كاسة تغسليها بالموية الحارة أول شي ، وبعدين تحطي عليها الموية المغلية وتغطيها الين تدفئ شوي وتشربيها )
( مو تحطي الحلبة ع العسل ع البرتقال .. لا .. ) كل شي تشربية لوحدو
وربي الشاهد على كلامي حسيت روحي ردت لي من جديد ومن أول يوم استخدمت هالوصفة لأن مفعولها بالنسبة لي أقوى من مفعول الأدوية اللي استخدمتها .. ولاتنسي انها اشياء طبيعية .. اختفى الامساك .. وخفت البواسير بشكل ملحوظ .. 70 % ومن أول يوم ..
كل يوم الصباح لازم تدخلي الحمام - الله يعزكم - حتى لو حسيتي مافيه شي ..
حبيت أفيدكم لأن الكثثير يعاني منها خصوصا بعد الولادة .. ومابغى منكم إلا الدعاء بظهر الغيب بالذات اللي تجربها ..
:26:
