وصفة مجربه تفتح شهية الطفل

السلام عليكم ورحمة الله وبركاته

الله يعظم اجرنا يالامهات نبحث ونسعى وندور عن الافضل لاطفالنا وناخذ همهم
المهم انا بنتي عمرها 3 سنوات نحيفه واكثر اكلها هو الجنك فود يعني الاكل الجاهز والماسخ وماتحب اكل البيت
لما كان صغيره عطوني المستشفى ( حسبي الله عليهم) فاتح للشهيه وكان هو السبب في تلف اسنانها وتسوسها
وقررت اسوي لها خلطه لما كبرت وجربتها والحمد لله نفعت معها فما حبيت ابخل عليكم بها
في البدايه سوي الخلطه وهي عباره عن مكسرات غير مملحه مطحونه جميعها ( فول سوداني-فستق-كاجو -لوز
-واللي تحبين)و فيه وحده نسيت اسمها اتوقع الكماه اليمني اخذته من جيان مثل الكور ابيض هذا دسم جدا وممتاز
بعد ماتطحنينهم اخلطيهم بعسل انا حطيت عسل طبيعي وماادري عن العسل الصناعي بس اتوقع انه كويس طبعا انا اخذت من كل نوع من المكسرات بخمسه ريال وبتطلع الكميه كبيره وبعد ماتخلطينهم عطي بنتك منها في كل وقت في الصبح بعد الفطور وبالغداء والعصر والمغرب والعشاء وعند النوم وبتلاحظين كيف ان شهيتها انفتحت وبيحبها اكثر وفي نفس الوقت اقطعي عنها خرابيط البقالات ووفري اكل في البيت من صنع ايديك والله يكتب فيها البركه للجميع

ملاحظه انا استخدمتها لعمر 3 سنوات فمااعرف اذا تناسب اللي اقل عمر او لا