رووعه
اختي ممكن تعطيني طريقه القطر والسكر بالحليب ودي اسويها باجر

مرحبا بالغاليات
اعتذر من عدم ظهور الصور ولكنها محمله من موقعين وحده بالبدايه والثانيه صفحه 3
وبرمضان الصور ما تفتح وايد من الضغط انا عنديي بجهازي بس كل ما حملته يطلع لي اكس يعني مو ظاهره
وان شاء الله لو لقيت وقت دورت موقع ثالث احمل عليه


بعد ما نحط الكاس بالنص نجيب السكين ونقصها مثل الكيكه اول مره بالنص والكاسا مكانها يعني نبدي من حفتها للخر الصينيه 8 مثلثات
ونرفعهم ونلفهم مرتين ونردها مكانها


وتتخمر وتنده وتنخبز



ممكن نقلل كمية السكر لو تبونها مالحه للنص يعني نص ربع الكوب

الحشو سايل من البيضه والزبده تكون ذايبه شوي فيسهل فردها


الحشوه المالحه
دجاج محموس ومنتق صغار مع نتفة جزر مبشور وملعقة اكل كزبره خضراء
الحشوه كلها تقيسنيها تطلع كوب واحد
تضيفين لها بيضه مع رشة فلفل اسود وملعقتين اكل قشطة نستله او نص العلبه وفص ثوم مهروس وتتبعين نفس الطريقه

بس تنخبز وتطلع تتغطى بفوطه 5 دق



القطر كوب سكر مع نص كوب ماي ونقطتين ليمون وبس يغلي يترك على نار هاديه جدا 10 دق وبس تطفين عليها وتهدا حطي نقطة فانيلا

تغليفة السكر
كوب سكر بودره ناعم ويخلط مع 4 ملاعق اكل حليب سايل ويقلب جيدا وتلاحظينه يمط شوي بس لا ينضاف الا بعد بروده الفطيرها عشان لا يسيح من عليها

وعوااااااافي

ماكو اسامي تكفين حبيبتي حاولي تحملين الصور الاخيره ماقدرت افهم وشلون الطريقه في اللف

ومشكوره على الفطيره الرائعه بروعة كاتبتها

تسلم ايدج...