السلام عليكم ورحمة الله
راح احط لكم طريقة البلو باللحم وهي اكله هنديه وباكستانيه مشهورة وعجيبه وايد
ولازززززززززززززم تجربونها اوكي؟؟؟؟
لان واااااااااااااااااايد يهبل وسويته كذا مره وعجب الكل بالذات الوالد الله يحفظه
وووووو راح اشرح لكم بالصور
كيلو لحم
بهارات البلو هذه العلبة من ناشيونال اهم شي تقرون على العلبه انه مكتوب بلو ففففف ودايما مخلص بالسوووق اشوه لقيته ذاك اليوم وخميت منه شكثر
نحط شوي زيت والبهارات الصحيحه قرنفل هيل دارسين ملعقة طعام ثوم وزنجبيل مطحونين ونكشن
نحط اللحم ونقلبه شوي يستوي شكله كذا
والحين نفتح علبة بهارات البلو ونحطها فوق اللحم هذا شكله شوفوه عاليسار مع علبة زبادي ندى
والان نضيف البهارات وهي فلفل احمر شوي فلفل اسود نص ملعقة شاي او ملعقة شاي حسب الرغبة وملعقة شاي ملح
نضيف الماء
نسكر الجدرررر نص ساعه بسسسسسس على حسب اللحم مرات ياخذ بس ربع ساعه
جزر وفاصوليا مقطعين طولي هالشكل انا سلقتة مدة عشر دقايق بس طالعوه عشان بشيله عقب بحطه داخل بالجدر
مع البلو عجيب وايد جربوه وياكلونه مع البرياني بعد والبلو طعمه يجنن كان برياني بس احلى بعد صدقوني يمي
نحط ملعقتين زبادي ونخلط بالخلاط اليدوي ونفرمهم
بعدين نضيف بقية الروب تقريبا يبيله علبتين روب ندى ونخلط ونزيد قليل ماء فنيال تقريبا ونحركه ونزيد الملح حسب الذوق ونرشه بالبصل المفروم هالشكل
هذا اللحم بعد مافتحت الجدر شكله
نضيف على اللحم بصلتين متوسطين مقلية بهالشكل هذا اهم شغله ظروريه لازم نسويها عشان نحصل على لون البلو البني الفاتح ونضيف الرز
نضيف الخضروات مو تحطون لي بذنجان وملفوف وتعفسون لي الطبخه بس هذا اللي تشوفونه نوعين
نضيف الماء ونشيك على الملح ان احتاج نزيد
نخليه عالنار شوي ونغطيه هذا صورته وهو نص سوا او ربع مدري المهم شوفوه
خلصنه
بالعافيه ادري التصوير مو ذاك الزود بس يله شنسوي
رجاء عدم الرد حتى اخلص