اول شي نبتدي باللحمه
لحمه مفرومه تضيفين عليها شويه ثوم وعصير ليمون ومبشور الليمون وملح وفلفل اسود وشويه طحين عشان تتماسك (ممكن تضيفين عليها كاري باودر اذا كنتي بتسوين لها صلصه طماط)
وتعمليها اقراص
نجي للبطاطا تقطعيها شرايح سميكه شويه وتسلقيها نص سلقه وبعد السلق ضيفي عليها شويه ثوم مخلوط بالليمون وتبليها (مكن تقليها اذا بتضيفين عليها طماط)
تكوني مقطعه طماطم شرايح وبصل شرايح
تجيبي صينيه الفرن وتصفيهم بالطول شريحتين بطاطا بعدها شريحه بصل بعدها طماطم بعدها لحمه وكرري
رشي على وجهها البصل الاخضر والشبت
اعملي صلصه كوب ماي ضيفي عليه عصير ليمونه وملح وثوم وفلفل اسود وضيفيه على الخليط
ودخليها الفرن
شوفي الطبخه هاذي بهالمقادير مافيها زيت يعني تصلح للرجيم مامنها خوف اما بالصلصه الثانيه او اذا قليتي البطاطا فبتكون دسمه شويه وانتي واللي يعجبج بس انا هنا مسويتها بالثوم والليمون وطلعت تجنن
الصلصه الثانيه نفس المقادير بس تضيفي صلصه طماط وشويه زيت وممكن تضيفي مكعب ماجي بطعم الخضار
هني وعافيه