(( طبق اليوم اللذيذ ))
الصالونه المكسيكيه
المقادير
دجاجه مخليه من العظم ومقطعه أصابع مثل الشوارمه
( مخمره في شوي فلفل اسود + عصير ليمونه + شوي ملح
ويضاف ليه بيضه وملعقتين بوب كورن (نشا).
حبة فليفله 1 حمرا 1خضرا 1 صفرا يعني من كل لون حبة
( مقطع مكعبات )
1/2 كوب كشب
زنجبيل وثوم مقطع بطول أصابع
معلقه خل
الطريقة
في زيت حار يقلب الدجاج حتى يتلون للون الذهبي ويترك جانبا
في طبق آخر نضع قليل من الزبدة وزيت الزيتون
ونضع الثوم والزنجبيل ونقلب حتى تطلع الريحه يمممممممم
ثم نضع الفليفله بألوانها والبصل ما نكثر منه ونقلب بس نخلي الخلطه متماسكه قويه
ثم نضع الكشب والخل ورشه ملح وفلفل ابيض او اسود+ رشة بزار وكمون ونقلب وكاس من الماء ونحط خلطة الدجاج ونحرك ونباعد بين قطع الدجاج
ويقدم مع طبق جانبي من الرز
وهاي تطبيقي للغده امس
لذييييييييييييييييييذ جربوه بنات
لذيييييييييييييييييييذ بنات
ريلي استخف عليه
وخالاتي على طول وهم ياكلونه اطلبوا المقادير وام ريلي اطلبت مني اسويه لها مره ثانيه
واشكر اختي الغاليه بهالقسم لهالطبق اللذيذ
وانا من زمان طابقته عندي وتوني اسويه وناسيه الاسم
وحتى عنوان الموضوع
السموحه منج اختي الغاليه
وربي يعطيج العافيه على هالطبق اللذيييييذ