اخواتي الغاليات في قسم الطبخ
كيفكم وش اخباركم الله يعطيكم العافيه كلكم وما قصرتو جميع
كل يوم اشاأر عليكم واشوف وش جديدكم وطبعا يااااااااااااااااما طبقت وياااااااااااااااااااما اخترعت
وياااااااااااااااااماااااااااااا صورت لكن للاسف الشديد كسوله جدا مافيه انزل الموضوع
لكن اليوم قررت اني انزل هالطبخه ويارب تنفك العقده عندي ويسير انزل المواضيع اول باول
عموما نبدا بسم الله طبختنا
هذي الله يسلمكم سهله جدا وادري ان هذا اللي تحبون
بس قطعي واخلطي ودخليها الفرن وانسيها
نقطع بصل جوانح رفيعه
وبطاطس ايضا جوانح رفيعه
ونجيب خضار مجمد انا استخدمت اللي يجي فيه جزر وزهره وبروكلي وفاصويليا
نحطها بالصينيه
وتجيبين سمك المتيل المجمد الجاهز للقلي وتقطعينه قطع متو سطه وبرضو في الصينيه
وحبة طماطم ويمكن الاستغناء عنها
ثمن ترشين الملح والبهارات انا دائما استخدم فلفل اسود وكمون وكزبره ناشفه فقط لا غير
وماله داعي كثرة الخرابيط ويطلع روعه بشهادة الجميع خاصه الكبسه
المهم طلعنا عن الموضوع
وتخلطينهم مع بعض بيديك
ثمن تصبين كاستنين وسط مويه على حسب صينيتك وعلى حسب الكميه اللي انتي حاطتها
انا ما غمرتها مره يعني يضهر المويه من الاطراف وتغطينها بقصدير
وتخليناه في الفرن وتراقبينها كل فتره والثانيه
اذا شفتيها خلاص نجحت صبي عليها كريمة خفق ورشي شوي بقدونس اغمريها
وخليها 10 دقائق الى ربع ساعه والفرن والع من فوق ولا تحمرينها كثير
وتمتعي بالطعم اللذيذ
قدميها مع الرز الابيض وسلطه
وبالعافيه على قلوبكم اسفه ما صورت كل الخطوات لانه مايبيلها
وهذا الصور النهائيه
وهذي ثانيه من قريب
سلاااااااااااااااااااااااااام للجميع
دعواتكم الصادقه
