شخباركم عساكم بخير اليوم جايبه لكم شيزلينغ دجاج ((تندوري دجاج))
نبدى بتتبيلة الدجاج يالله بسم الله الرحمن الرحيم...
ملقتين مايونيز+ ملعقتين كاتشب+ ملعقة خل+ ملعقة صلصة الباربيكيو+ليمونه+فلفل حار مقطع صغير+ملعقة بهارات مشكله+ ملعقه فلفل اسود+ ملعقه فلفل احمر (بابيكا)+ شوية سمسم+ملح حسب الرغبه
وتخلطينهم مع بعض وبعدين تظيفين الدجاج ونقعتها طول اليل وتعرفون كل ماتنقع كل ماطلع احلى بس اتوقع من ساعتين الى ثلاث ساعات كفايه
وبعدين جبت الصاج وحطيت شويت زيت وحطيت بعدها الدجاج وهذا كان شكله لين تنشف موية الدجاج
ونحمره في الصاج
وبعدين شلت الدجاج وحطيت الخظار وبعد ماحسيت ان الخظار بدت تنظج حطيت الدجاج مره ثانيه
وهذي الصوره بعد ماحطيت الدجاج
وهذي صورة السفره..:icon28:
طبعا مثل ماانتو شايفين قدمتها مع خبز هندي هو جاهز بالسوبر ماركت بس الي علي اني احطه بالمقلى
واحمره +رز بالزعفران طبعا الكل عارف الطريقه اسلقي الرز وظيفي عليه منقوع الزعفران
وصحتين وعافيه على قلوبكم:)
عاد لا تبخلون علي بالردود انا حامل وتعرفون الحامل بسرعه تزعل:42:
انتو كريمين وانا استاهل:)
واي سؤال انا حاظره:26:
