صينية البف بستري بالدجاج
المقادير
بف بستري
جزرة وحدة مقطعة طوال وضعاف
فطر مقصص حلقات
بصلة وحدة مفرومة ناعم
فلفل بارد مقصص طوال وضعاف
مكعب ماجي دجاج
صدرين دجاج مسلوق وفتت صغار
كاس كريمة خفق او قيمر اللي متواجد عندج حطية
جبن قلاص قفشتين كبار
للتزين
جبن مبشور الحجم الصغير المراعي او اي نوع تحبين
بيضة
ناخذ البف بستري بعد ما طلعناه من الثلاجة من فترة
ونصفة في قاعدة البايركس ونضغط عليه
باليد وما نخلي فراغات كلش
على النار نحط شوي زيت زيتون يازعم لأنه اصح خخخخخخخخخ
وحط البصل
لما يبدأ يذبل اضيف الجزر والفلفل البارد
و الفطر
الى حد ما يذبل بعد
واضيف الدجاج
وبعدين واحد مكعب ماجي والفلفل الاسود والبهارات اللي انتي تحبينها
وبعدين اضيف عليه كريمة الخفق او القيمر
والجبن القلاص على حسب الرغبة
ولما يذوب الجبن
نصبها على البف بستري
وبعدين نغطي الخلطة بالف بستري بعد من جديد ونحاول نسكر الاطراف زين وما نخلي فيه فراغات كلش
ونخلط صفار بيضة عدل ونحطة على وجه البف بستري
ونرش علية الجبن المبشووور
وندخلها الفرن
الى حد ما تنتفخ ويحمر الوجه
وخلاص صارت جاهزة
قطعي واكلي
ها شرايكم مو سهلة ولذيذ