بناء على طلب وحدة عزيزة على قلبي تقول ان عندها تمر وايد وتبي طريقة جديدة
عشان تكشخ فيها جدام ريلها نزلت هذي الطريقة
وعشانكم يالطيبين تستاهلون كل خير
ندحل على الطريقة السهله واللذيذة
المقادير :
بسكويت قهوة الصباح
تمر منزوع البذر
قليل من الزبدة او السمنه
رشة قرفة
وجوز هند محمص
وقليل من الماء
التمر طبعا نحط عليه القرفة والسمنة والماي ونحطهم في الخلاط
لغاية مايصير كريمي
الطريقة وبالصور
ندهن مابين طبقات البسكويت لغاية 4 حبات
ونمسح بالتمر على جميع الجوانب
وبعدين نقلبهم بجوز الهند
يتبع
لغاية ماتخلص الكمية اللي عندنا
نقطع كل مربعة الى 5 قطع متساوية
ويصير البسكويت بهذا الشكل
الشكل النهائي للطبق ومعاه كوب الشاي
وصحتين على قلوبكم