اليوم طابخه لكم ذيك الكبسه الي ما تاكل وراك بس اصابعكم اخاف
يدكم كلها على العموم .... ناس من الاهل صفطوا لي يد وجنب من غزال توه
مذبوح وقلت شاسوي عليه صالونه غزيل ولا كبسه ... جات بنتي تسال يمه شتسوين
قلت باسوي حق بوج غزيل قالت يمه من انتي تقولين انج غزال ومحد يقدر يصيدج
قلت لها انا اقول انا القمر ومحد يطالني :22: ممممممممممممممم:30:
المهم قررت اسوي كبسه
غسلت لحم الغزال وقطعته 1/2 علشان لحم الصيد يبطي لين يستوي
قطعت 4 بصلات وحمستها في الزيت لين احمرت وحطيت اللحم عليها ودقيت ثوم مع الزنجبيل
وحطيته وياهم و3 علوب فلفل وخليته لين ياخذ النكهه ومعاهم الدارسين والهيل حب بس اذا بتحطين مسمار لاتحطين واجد لان المسمار (قرنفل) يسود اللحم على العموم
وبعدين حطيت البهارات اللي عندي بزار كمون كزبره كركم ملح حطيه من الحين علشان مايبس اللحم
فلفل اسود شوي . ليمون اسود 5حبات 3 قفاش صلصل واحرك واحط 4 طماطات مقطعه...و شويه بقدونس وكزبره خضره حركت الخلطه وحتي اللحم يمتص النكهه يمي يمي
كنت مجهزه ماي يغلي حتى على طول يفوح وكميه الماي تكفي لان اللحم يبغيله يطبخ واجد
يعني تقريب الساعه ونص واشوفه اذا ستوا بغرز السكين بعد الساعه
ومن جهه ثانيه كنت مغسله العيش ومنقعته في مااااي من الصبح بس لايفوتكم العيش
حبته ماااااا شاااء الله الحبة الوحده اتشبع الواحد اشلون اذا كنتي تاكينه باليد :30:
واذا ستوا اللحم اطلع اللحم من الجدر وشوف المروق اذا واجد اشل منه واقدمه مثل المروق
حق اللي يشتهي ... المهم احط العيش واول ما يغلي اقصر عليه مقدار ارتفاع الماي عن العيش انتي تتحكمين به يعني اذا تبغينه شوي لين او نثري قللي الماي ورجع اللحم مره ثانيه
وبعد ما نضج نشبته على طول لان الكبسه حلاتها اول ما تسكرين الجدر اتحطينها تكون الذ من اللي تسوينها وتخلينها لين ابوكم ايجي ...... خارج النص (( يعني انا احيانا اجهز المروق تبع الكبسه بس ما احط العيش الا اذا قرب ابونا يجي من اشغل اكب العيش ويستوي على طوي فطم ما احط السفره تكون لذيذه )) المهم اطلعت الكبسه يم يم ولحم الغزال يجنن كنه لحم الارنب البري والطيور البريه
و بلخلي صور توضح الكلام
1
2 بعد ما حطيت العيش
3 وهذا هو بعد ما نشبنه
لاتنسون التمره وقلاس اللبن
وفيه العافيه وسلامتكممم
احترامي سسسكككككككككككككوووووره:26: